Okuvaayo 6:1 - Baibuli Ekibono kya Katonda 2014

¹ Aye Musengwa Katonda yaakoba Musa ati: “Buti oja kubona kye nja okukola kyabazinga oyo, kuba aja kukakibwa bukakibwe na maani abakobe baje bwenebwene olw'okukakibwa okwo aja na kubabinga bubinge bave mu nsi ye.”

Okuvaayo 6:1 ပူးပေါင်းရင်းမြစ်များ

2 Bakyabazinga 7:19

Aye omugheereza oyo yairamu Elisha ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

2 Bakyabazinga 7:2

Agho omugheereza wa kyabazinga ataamuvangaku, yaabuuza omuntu wa Katonda ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 12:6

Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Zabbuli 136:12

Oyo n'eyagolola omukono gwe ogw'amaani, n'abatoolayo n'engalo dhe; okugonza kwe tikukoma, kubaagho byanda na byanda.

Zabbuli 89:13

Oli wa buyinza bungi, oli wa maani inho atatuukikaku.

Okuvaayo 11:1

Agho Musengwa Katonda yaakoba Musa ati: “Ekaasigaireyo ekibamba kirala kye nja okusindikira kyabazinga n'Abamisiri boonaboona era ng'ekyo kiwoire aja kubaleka muve muno. Ate mu butuufu aja bwa kubabingira irala okuva mu Misiri.

Okuvaayo 12:31

Era obwire bwene obwo kyabazinga yaayetesa Musa ni Aaroni yaabakoba ati: “Musituke muje, muve mu bantu bange. Mwenamwena Abaisiraeli muje musinze Musengwa Katonda nga bwe mwakoba.

Okuvaayo 12:33

Agho Abamisiri baagwidhubania Abaisiraeli bave mu Misiri mu bwangu nga bakoba bati: “Bwe mutaja tuja kufa tuweegho.”

Okuvaayo 12:39

Baafumba emigaati egitazimbulukusiibwa mu ngaano ere enkande ye baava nayo mu Misiri, kuba Abamisiri baabagwidhubania nga bava mu Misiri, baabula ekiseera eky'okwesibirira entanda, waire okufunira ekizimbulukusa mu ngaano ye baavaayo nayo.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:16

Ako n'akaidha okubanga akamanhiso akanaabanga ku mikono oba mu bweni okutwidhukiza nga Musengwa Katonda bweyatutoola mu Misiri ng'akozesa amaani ge agataloodheka.”

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 13:9

Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Okuvaayo 7:4

Ndidhi nti taja kuwulira agho ni, ndita ku Misiri omukono gwange ogw'amaani era naatoolayo abantu bange Abaisiraeli mu bikunsu, nga mmaze okubonereza Misiri n'ebintu ebitiisa.

Okuvaayo 7:5

Ku lunaku olwo lwe ndigolola omukono gwange ni nkuba Abamisiri, era ni mbatoolamu abantu bange Abaisiraeli, Abamisiri abo lwe balimanha nga ninze Musengwa Katonda.”

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Okubala 11:23

Musengwa Katonda yaamwiramu ati: “Olowooza oti amaani gange ghaligho ghe gakoma? Buti oidha kubona oba nga kye nkobye kinaatuukirira oba tikiituukirire.”

Okubala 23:23

Ghazira irogo lisobola kulumya ba Yakobo, ghazira kulagula kusobola kutuusa kabi ku Baisiraeli abo. Okutoolaku abantu baidhanga kwogera ku Baisiraeli abo, bati, ‘Katonda ng'abakoleire eby'amaani!’

Ebikolwa by'Abatume 13:17

Katonda w'abantu bano Abaisiraeli, yalonda badhaadha baife yaabafuula eighanga eikologho, bwe baali mu buwanganguse e Misiri, era yaabatoolayo n'amaani ge agataloodheka.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.