Okuvaayo 5:22 - Baibuli Ekibono kya Katonda 2014

²² Agho Musa yaira ye Musengwa Katonda yaasaba ati: “Wo Musengwa Katonda, lwaki oleese obuzibu ku bantu bano? Lwaki wantuma nze.

Okuvaayo 5:22 ပူးပေါင်းရင်းမြစ်များ

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:4

aye mwene yaatambula mu irungu olugendo lwa lunaku lulamba, yaaja yaatyama ghansi gh'omuti ogw'ekyeyo, yaasaba afe ng'akoba ati: “Wo Musengwa Katonda bye mboine bimala! Twala obulamu bwange mpegaano, kuba ghazira kye nsinga badhaadha bange!”

Zabbuli 73:25

Eyo mu igulu nzirayo wundi ali ku lwange okutoolaku iwe era ni ku nsi kuzira kye neetaaga okutoolaku iwe.

Okuvaayo 17:4

Kale Musa yaalirira Musengwa Katonda ati: “Wo Musengwa Katonda, nkole ntya abantu bano? Babulaku katono okunkuba amabaale nfe.”

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 4:10

Agho naakoba nti: “Wo Musengwa Katonda waife, walimbalimba abantu bano ab'e Yerusalemu, waabakoba oti, ‘Mwidha kubanga mu miraala,’ ng'ate empiima dhiseese okubasaaniagho!”

Habakkuku 2:3

Bighandiike kuba ekiseera kyabyo eky'okutuukirizibwa kikaali. Aye nga kiri kwidha mangu, era bye ndi kukwoleka biri n'okubaagho. Ni bwebiboneka okuba ng'oti biidha mpola, era biteegerere. Tibiriroba kubaagho, era biryangughaku.

Okubala 11:11

Musa yaakoba Musengwa Katonda ati: “Wo Musengwa Katonda, lwaki ombisiisa obubi otyo nze omugheereza wo? Lwaki onsungughaliire, n'ontwika obuvunaanizibwa obw'abantu abo boonaboona?

Yoshua 7:7

Yoshua yaasaba ati: “Wo Musengwa Katonda, iwe afuga abantu boonaboona, bwenebwene lwaki watusomosa Yorudani? Obwo bwene wayenda kutughaayo mu ngalo dh'Abamori batuzikirize? Ngoli twasigala ku luuyi kule okwa Yorudani tikyandisinze?

1 Samueli 30:6

Daudi yaaba mu buzibu obutaloodheka, kuba abantu baakoba okumukuba amabaale. Abantu boonaboona baali banakughavu, nga balumirwa batabane baibwe ni baghala baibwe. Aye Daudi yaafuna amaani mu kwesiga Musengwa Katonda we.