Okuvaayo 5:21 - Baibuli Ekibono kya Katonda 2014

²¹ baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Okuvaayo 5:21 ပူးပေါင်းရင်းမြစ်များ

Amainhama 16:5

Sarai yaakoba Aburamu ati: “Ebibi ebiri kunkolwaku bikwirirengaku! Nze nakugha omwiru wange obe naye, aye olwakizuula ng'atoire enda, yaatoolera okwekuluntaza n'okuunhooma. Musengwa Katonda atusalire omusango nze n'iwe!”

Amainhama 31:53

Katonda wa Aburahamu era Katonda wa Nahori, atusalirenga omusango nze n'iwe.” Yakobo yaalayira mu liina lya Katonda wa Isaaka ise, ati aidha kukuumanga endagaano eyo.

Amainhama 34:30

Yakobo yaakoba Simeoni ni Levi ati: “Mundeeteire obuzibu. Mpegaano Abakanaani n'Abaperizzi n'abandi boonaboona ab'omu nsi eno baja kunkyagha. Ndi n'abantu batono. Kale bale boonaboona bwe balyesoloza ni baanumba, balinsaaniagho n'amaka gange goonagoona.”

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

1 Ebyomubyanda 19:6

Kyabazinga Hanuni n'Abammoni bwe baabona nga baleeteire Daudi okubakyagha, baasasula kilo dha feeza emitwalo esatu n'enkumi ina (34,000), okupangisa ebigaali eby'omu lutalo n'abavuzi b'embalaasi okuva e Mesopotamia, n'e Aramu Maaka ekya Siria, n'e Zoba.

Okuvaayo 14:11

Beemuluguunhiza Musa nga bakoba bati: “Lwa kuba mu Misiri yali ezira magombe ganditumaze kutuziikamu, kye wava n'otutoolayo twidhe tufiire eno mu irungu? Watukola ki kino okututoola mu Misiri?

Okuvaayo 15:24

Abantu beemuluguunhia nga babuuza Musa bati: “Olwo mperaano ife tunaanhwa ki?”

Okuvaayo 16:2

Abaisiraeli abo beemuluguunhiza mu irungu nga bakoba Musa ni Aaroni bati:

Okuvaayo 4:31

Agho abakulu ab'ebikunsu abo baikiriza, era bwe baawulira nga Musengwa Katonda bweyabalumirwa ng'aboine okudaazibwadaazibwa kwaibwe, baakuba amakiryaivu baamusinza.

Okuvaayo 5:20

Bwe baali bava ye kyabazinga baayagaana Musa ni Aaroni abaali agho nga babateegereire,

Okuvaayo 6:9

Musa yaakobera atyo Abaisiraeli aye baaloba kumuwulirisa, kuba okukozesebwa obwiru n'obukambwe byali byabamalamu amaani n'eisuubi.

Omulangirizi 10:1

Ng'ensowera enfu edhigwire mu by'obuwoowo bwe dhibireetera okuwunha ekivundu; n'ekikolwa eky'obusiru kityo bwe kimalagho amagezi n'ekitiibwa, ekikolwa ekyo ni bwekiba ekitono einho.

Isaia 30:6

Buno n'obukwenda bwa Katonda obugema ku nsolo edh'omu kiketezo ekikalukalu eky'oku luuyi olw'omukono omusaadha olw'e buvandhuba: “Abakwenda ba Buyudaaya babita mu nsi eidhwire ebizibu ebitiisa, erimu empologoma n'emisota egy'obusagwa egya buli nsambo, nga n'omuli n'egyo egiguluka ng'oti nhonhi. Batwika eby'obukombe byaibwe ku ndogoyi ni ku mabbango g'engamiya, baabitwalira abantu abatasobola kubagasa naire.

Yoeli 2:20

Ndidha kutoolagho eigye ery'enzige edhaava ku luuyi olw'omukono omugooda olw'e buvandhuba. Edhindi ndidha kudhibingira mu irungu ezira bantu: edho edhiri mu bikunsu ebikulembeiremu ndidha kudhisindika mu Nhandha Eyomuunhu. Ate edho edhiri mu bikunsu eby'einhuma ndidha kudhisindika mu Nhandha Eyaghagati. Ndidhizikiriza olw'ebibi bye dhaabakola, era emirambo gyadho giriwunha inho.

Okubala 14:22

ghazira ku bantu abo alituuka mu nsi eyo. Abantu abo baabona ekitiisa kyange n'obumanhiso bye nakolera mu Misiri ni mu irungu, aye era bansonsoonia emikuzi gino eikumi, baaloba kuwulira bye mbakoba.

Okubala 14:3

Lwaki Musengwa Katonda ali kututwala mu nsi eyo okufiira mu lutalo? Bakazi baife n'abaana baife baidha kufuuka munhago! Okwirayo e Misiri ti n'ekyandisinzeeku?”

1 Samueli 13:4

Abaisiraeli boonaboona baawulira bati Saulo aghangwire enkambi y'abalwani Abafilisiti. Era baawulira bati Abafilisiti beesiniirwa Abaisiraeli. Kale abantu baayetebwa okuja okweyimba ku Saulo e Giligali.

1 Samueli 27:12

Agho Akishi yeesiga Daudi, ng'akoba mule ati: “Bwenebwene Daudi yeereeteire abantu be Abaisiraeli okumukyayira irala, n'olw'ekyo aidha kubanga mugheereza wange buliidho.”