Okuvaayo 5:2 - Baibuli Ekibono kya Katonda 2014

² Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Okuvaayo 5:2 ပူးပေါင်းရင်းမြစ်များ

2 Bakyabazinga 18:35

Musambwa ki, ku misambwa egy'ensi dhoonadhoona, ogwali guwoniizaaku ensi yaagwo ni gugintoola mu ngalo, memale olwo katyo mudhuube muti Musengwa Katonda aghanga okuwonia Yerusalemu, yaakintoola mu ngalo?’ ”

2 Ebyomubyanda 32:14

Mundageku katonda yeenayeena, ku bakatonda boonaboona ab'amaghanga ago badhaadha bange ge baasaaniagho, eyasobola okutoola abantu be mu ngalo dhange n'abawonia. Obwo mperaano imwe kiki ekibalowoozesa nti Katonda waimwe aidha kusobola okubawonia, abatoole mu buyinza bwange?

2 Ebyomubyanda 32:15

Kale ni mulobe kuganha Hezekia kubaguyaguya waire okubasendasenda atyo, mutaikiriza by'abakoba; kuba oba nga ghazira katonda yeenayeena wa ighanga oba wa bwakyabazinga, eyaali asoboireku okuwonia abantu be n'abatoola mu buyinza bwange oba mu bwa badhaadha bange, memale olwo Katonda owaimwe anaabawonia atya n'abatoola mu buyinza bwange?”

2 Ebyomubyanda 32:19

Baayogera ku Katonda wa Yerusalemu mu nsambo n'endala nga bwe boogera ku bakatonda b'amaghanga agandi, abantu bye baakola obukole n'engalo.

Nehemia 9:10

Wakola ebyewuunhio n'ebyewuninkiriza eri kyabazinga w'e Misiri, n'eri abakungu be boonaboona, n'abantu b'omu nsi ye, kuba wamanha nga bwe baatuntuza badhaadha baife. Agho weekolera eriina erikaaligho ni ye buli eno.

Yobu 15:25

Kuba asonse mu Katonda olwala, yaasonsoonia Aghanga Ebintu Byonabyona.

Yobu 15:26

Omuntu omubi oyo adheemera Katonda, yaaja okumulumba n'engabo ye enkologho,

Yobu 21:15

Katonda Aghanga Ebintu Byonabyona ni ki einho, memale obwo tumugheereze? Tuganhulwamu ki mu kumusaba?’

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 12:4

nga bakoba bati: “Ife mu kwogera mwe tufunira bye twenda. Ife ab'eminwa gyaife naani atukobaku?”

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 14:1

Abasiru bakoba mu myoyo gyaibwe bati: “Katonda azirayo.” Baidhwire obukupya, bakola ebyenhinhasa era boonaboona bakola bikyamu byereere.

Okuvaayo 3:19

Nkiidhi bukalamu nti kyabazinga ow'e Misiri taidha kubaleka buleke muveeyo, okutoolaku ng'akakiibwa bukakibwe n'amaani agataloodheka.

Okuvaayo 7:17

Buti ni, Musengwa Katonda akoba ati, ‘Kino kye nja okukola kw'onaamanhira nga ninze Musengwa Katonda: nja kukuba ku ngulu ku maadhi ag'omwiga Kiyira n'omwigo guno gwe ndi nagwo mu ngalo, era amaadhi ago gaja kufuuka musaayi.

Ensambo 30:9

Olwo ndobe kuba na bingi inho, okutuuka n'okukwegaana nti, ‘Musengwa Katonda naani?’ Oba bwemba omwavu ndobe kwiba na kuvumagania liina lyo iwe Katonda wange.

Yeremia 42:13

“Aye bwe muloba okuwulira kye ndi kubakoba, nze Musengwa Katonda waimwe, ni mukoba mule muti, ‘Titwidha kusigala mu Buyudaaya.

Yeremia 48:26

Musengwa Katonda yaakoba ati: “Mutamiize Moabu, etuuke n'okwegalangula mu biseseme byayo, kuba yandheemera. Olwo efuuke enseko dh'abalamu.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Yoanne 16:3

Ebintu bino balibikola olw'okuba tibamanhanga Lata waire nze.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Abalamuzi 2:10

Agho n'abantu ab'oluse olwo boonaboona baafa. Ghairagho oluse olundi olw'abantu, abataamanha Musengwa Katonda waire okumanha ebyo bye yakolera Isiraeli.

1 Samueli 2:12

Batabane ba Eli baali abantu abazira kye bagasa, nga tibaisaayo mwoyo ku Musengwa Katonda.

1 Samueli 25:10

Agho Nabali yairamu abagheereza ba Daudi abo, ng'akoba ati: “Daudi naani? Mutabane wa Yesse naani? Enaku dhino ghaligho abagheereza kamaala abeiba ku basengwa baibwe ni babalumukaku.