Okuvaayo 5:1 - Baibuli Ekibono kya Katonda 2014

¹ Ebyo nga biwoire, Musa ni Aaroni baaja ye kyabazinga ow'e Misiri baamukoba bati: “Musengwa Katonda, Katonda wa Isiraeli akoba ati, leka abantu be baje mu irungu bakolere eyo ekibinuko eky'okumusinza.”

Okuvaayo 5:1 ပူးပေါင်းရင်းမြစ်များ

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

Zabbuli 119:46

By'okoba byonabyona ndidha kubikoberanga bakyabazinga, nga ghazira kingemya nsoni.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Okuvaayo 10:4

Kuba, bona eno, bw'oloba okubaleka ni baja, olwenkyo nja kuleeta enzige mu nsi yo.

Okuvaayo 10:9

Musa yaamwiramu ati: “Twidha kuja abakulu n'abato, era tuje ni batabane baife ni baghala baife. Twidha kutwala entaama, n'embuzi, n'ente dhaife, kuba tuteekwa okukola ekibinuko eky'okwoleka nga tusiima Musengwa Katonda.”

Okuvaayo 3:18

Baidha kwikiriza ky'onaabakoba. Ng'olwo iwe n'abakulu ab'ebikunsu abo muja ye kyabazinga w'e Misiri nga mumukoba muti, ‘Musengwa Katonda, Katonda w'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo.’

Okuvaayo 33:13

Buti ni kye nkusaba, nga bw'osiima bye nkola, ndholeka ensambo ye mbe neebiseemu, nsobole okukumanha obukalamu era nhongere okukusiimya. Wo Musengwa Katonda, idhukira ng'abantu bano niiwe mwene owabeerondera babe abantu bo.”

Okuvaayo 4:23

era ndi kukukoba nti leka omwana wange oyo aje ampeereze. Aye bw'onaaloba okumuleka ndidha kwita mutabane wo omuberi.’ ”

Okuvaayo 6:11

“Ja ye kyabazinga ow'e Misiri omukobe aleke Abaisiraeli bave mu nsi ye.”

Okuvaayo 6:27

Era ni beene abo abaayogera ni kyabazinga ow'e Misiri ku ky'okutoola Abaisiraeli mu Misiri.

Okuvaayo 7:16

omukobe oti, ‘Musengwa Katonda, Katonda ow'Abaheburayi yantuma y'oli, yaakukoba oleke abantu be baje mu irungu bamusinzize eyo, aye ni ye buli eno okaadheemye okuwulira.’

Okuvaayo 7:2

Bye nkukoba byonabyona bikobere Aaroni. Aaroni akobe kyabazinga aleke Abaisiraeli baje, bave mu nsi ye.

Okuvaayo 8:1

Agho Musengwa Katonda yaakoba Musa ati: “Ja oingire mu kisaagaati kya kyabazinga omukobe oti Musengwa Katonda akoba ati, ‘Leka abantu bange baje bansinze.

Okuvaayo 8:16

Agho Musengwa Katonda yaakoba Musa ati: “Koba Aaroni oti, ‘Ginga omwigo gwo okube enkungu eri ghansi ku itaka woonawoona mu Misiri efuuke obudhuuni.’ ”

Okuvaayo 8:17

Baakola batyo Aaroni yaakuba n'omwigo gwe enkungu eyali ghansi ku itaka, obudhuuni bweyugha ku bantu ni ku nsolo. Enkungu yoonayoona eyali ghansi ku itaka woonawoona mu Misiri yaafuuka budhuuni.

Okuvaayo 8:20

Agho Musengwa Katonda yaakoba Musa ati: “Wuuna inho oje oteege kyabazinga ng'ali kuja ku mwiga omukobe oti, ‘Musengwa Katonda akoba ati, leka abantu bange baje bansinze.

Okuvaayo 8:27

Tuteekwa kuja mu irungu nga tutambula olugendo olumala enaku eisatu memale tugheereyo eyo emisengo ye Musengwa Katonda waife, nga mwene bw'alitulagira.”

Okuvaayo 9:1

Agho Musengwa Katonda yaakoba Musa ati: “Ja oingire mu kisaagaati kya kyabazinga omukobe oti, ‘Musengwa Katonda, Katonda ow'Abaheburayi akoba ati, leka abantu bange baje bansinze.

Okuvaayo 9:2

Kuba bw'oloba okubaleka baje, n'obaloberaku,

Isaia 25:6

Ku lusozi luno Sioni, Musengwa Katonda Afuga Amagye alifumbira amaghanga goonagoona embaga, ng'eriku emere esinga bulungi n'omwenge gw'emizabbibu ogusinga bulungi.

Ezekieli 2:6

“Era iwe omuntu otabatyanga waire okutyanga bye boogera. Ni bw'onaababangamu ng'oti n'omuntu ali mu nkandwa ni mu mawa, oba ng'oti n'atyaime ku siga, otatyanga badheemu abo bye boogera waire okudhugumira olw'emmoga yaibwe eidhwire obukambwe.

Matayo 10:18

Balibatwala mu maiso ag'abafuzi ni bakyabazinga nga babalanga nze, mube badhulizi bange mu abo ni mu bamaghanga agandi.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Ebikolwa by'Abatume 4:29

Mperaano ni, Musengwa, bona okutiisatiisa kwaibwe, era gha abagheereza bo okwogera ekibono kyo n'obugumu bwonabwona.

1 Ab'e Korintho 5:8

Kale ka tufumbe embaga, ti na mugaati ogulimu ekizimbulukusa ekikaire eky'eitima n'obubi, aye n'omugaati oguziramu kizimbulukusa, omugaati gwenegwene ogw'amazima.