Okuvaayo 40:38 - Baibuli Ekibono kya Katonda 2014

³⁸ Era mu kutambula kwaibwe kwonakwona, ng'ekire kya Musengwa Katonda ekyo kiba ku Weema Entukuvu omusana, ate obwire nga mu kire omwo mwakamu omuliro ng'Abaisiraeli boonaboona babona.

Okuvaayo 40:38 ပူးပေါင်းရင်းမြစ်များ

2 Samueli 7:6

Tibangaku mu ndhu okuviira irala ku lunaku lwe natoola Abaisiraeli e Misiri okutuusa ni ye buli eno. Buli ghe mbairenga nja, nga mba mu weema.

Zabbuli 105:39

Katonda yaayandhuluza ekire kyabwika abantu be, ate obwire yaataagho omuliro gwabamuliikirira.

Zabbuli 78:14

Omusana yaboolekanga engira ng'akozesa ekire ekyabakulemberangamu ate obwire yaagibooleka n'ekintu ekyaka ng'oti muliro.

Okuvaayo 13:21

Musengwa Katonda yaabayambanga basobole okutambula omusana n'obwire: omusana yabakulemberangamu ng'ali mu kire ekiri ng'oti mpango okubooleka engira ye babe babitemu, ate obwire yaabanga mu muliro oguli ng'oti mpango okubamuliikirira.

Okuvaayo 13:22

Omusana, ng'ekire ekiri ng'oti mpango tikibulagho okubakulemberamu, ate buli bwire ng'omuliro oguli ng'oti mpango gwona tigubulagho okubakulemberamu.

Okubala 10:34

Buli lwe baatooleranga okutambula nga bava mu kifo ghe baabanga basimbye weema dhaibwe, ng'ekire kya Musengwa Katonda kiba ghaigulu ghaibwe omusana.

Okubala 9:12

Aidhanga kukikola ng'amateeka goonagoona agagema ku Kibinuko eky'Okwidhukiriraku Okubitizibwa bwe galagira; ng'obutalekaagho mamba n'esula kutuuka nkyo, n'obutamenha igumba lyonalyona ery'ensolo eba ng'eitiibwa.

Okubala 9:15

Olunaku Eweema ey'Okwagaananirangamu ni Musengwa Katonda eyabangamu endagaano lwe yasimbwa, ekire kyaidha kyagighembaku. Obwire, ekire ekyo kyafaanana ng'oti muliro okutuusa bwe bwakya.

Okubala 9:16

Kityo bwe kyalinga buli lunaku. Omusana ekire kyagighembaku, ate obwire, ekire ekyo kyafaanananga ng'oti muliro.