Okuvaayo 40:3 - Baibuli Ekibono kya Katonda 2014

³ Mwidha kutaamu Esanduuku ey'Endagaano, era mugikingirize n'olutimbe olwawula Ekifo Ekitukuvu Einho ku Kifo Ekitukuvu.

Okuvaayo 40:3 ပူးပေါင်းရင်းမြစ်များ

1 Ebyomubyanda 17:5

Tibangaku mu ndhu okuviira irala ku lunaku lwe natoola Abaisiraeli e Misiri okutuusa ni ye buli eno. Buli ghe mbairenga nja, nga mba mu weema.

Okuvaayo 25:10

“Era koba abantu, bankolere esanduuku mu mbaawo edh'omuti ogwetebwa akasia, nga obuleeyi bwayo egheza mita ndala ni sentimita ikumi, ate obugazi ng'egheza sentimita nkaaga na mukaaga era n'obugungumavu ng'egheza sentimita nkaaga na mukaaga.

Okuvaayo 25:22

Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.”

Okuvaayo 26:31

“Era mwidha kukolayo olutimbe mu ngoye edha langi ya bbululu, n'edh'eya nakasooma, n'edh'eya kasaayisaayi, era ni mu ngoye empegheevu. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 31:7

Bye ndi kulagira ni bino: Eweema ey'Okwagaananirangamu ni Musengwa Katonda, Esanduuku ey'Endagaano n'ekisandikiza kyaku, ni byonabyona eby'okukozesanga mu Weema eyo, bino

Okuvaayo 35:12

Era tukozese bino: Esanduuku ey'Endagaano, n'emiti gyayo egy'okugibbeedesanga, n'ekisandikiza, n'ekintu ekikinzaagho.

Okuvaayo 35:4

Musa yaakoba Abaisiraeli boonaboona ati: “Kino Musengwa Katonda ky'abalagiire.

Okuvaayo 39:32

Agho omulimo ogw'okukola Eweema ey'Okwagaananirangamu ni Musengwa Katonda gwawa. Abaisiraeli baakola ebyo byonabyona nga Musengwa Katonda bweyalagira Musa.

Abalevi 16:14

Anaatoolanga ku musaayi gw'ente enume, yaagumansira n'olwala lwe ku luuyi olw'e buvandhuba olw'ekisandikiza eky'Esanduuku ey'Endagaano, era yaagumansira mu maiso g'esanduuku eyo emikuzi musanvu.

Okubala 4:5

Musengwa Katonda era yaalagira Musa ati: “Buli lwe munaabanga nga muja okusenguka mu kifo, Aaroni ni batabane be baidha kungiranga mu Weema ey'Okwagaananirangamu ni Musengwa Katonda, baghanuleyo olutimbe olukinzaagho oluli emberi w'Esanduuku ey'Endagaano, era balughembe ku sanduuku eyo.

Abaheburayi 9:3

Einhuma ew'olutimbe olwokubiri yaliyo ekiketezo ekindi ekyetebwa Ekifo Ekitukuvu Einho.

Okwolekebwa 11:19

Eisinzizo lya Katonda ery'omu igulu lyaigulwagho n'Esanduuku ey'Endagaano ye, yaaboneka mu isinzizo omwo. Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta, n'omugozi omungi.