Okuvaayo 40:2 - Baibuli Ekibono kya Katonda 2014

² “Ku lunaku olusooka olw'omwezi ogusooka mwidha kutaagho Eweema ey'Okwagaananirangamu ni Musengwa Katonda.

Okuvaayo 40:2 ပူးပေါင်းရင်းမြစ်များ

1 Ebyomubyanda 17:5

Tibangaku mu ndhu okuviira irala ku lunaku lwe natoola Abaisiraeli e Misiri okutuusa ni ye buli eno. Buli ghe mbairenga nja, nga mba mu weema.

2 Ebyomubyanda 29:3

Mu mwezi gwe yatooleramu okufuga mu mwaka gwe ogwasooka, yaigulagho endhigi dh'eisinzizo era yaalirongoosa.

Okuvaayo 13:4

Olunaku luno lwe muli kuviiraku mu Misiri, luli mu mwezi ogusooka ogwetebwa Abibu.

Okuvaayo 19:1

Nga ghaakabita emyezi ebiri kasookanga Baisiraeli bava mu Misiri, ku lunaku olwinhama omwezi ogwokusatu baatuuka mu irungu eryetebwa Sinai,

Okuvaayo 26:1

Era Musengwa Katonda yaakoba ati: “Oidha kukola ensuubo ikumi odhite mu Weema, nga dhaakolebwa mu ngoye empegheevu edhaalukibwa obukalamu, edha langi ya bbululu, n'edh'eya nakasooma, n'edh'eya kasaayisaayi. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 26:30

Oidha kukola eisinzizo ng'ojiira ku ntegeka eri kukwolekebwa ku lusozi luno.

Okuvaayo 26:7

“Era oidha kukola ensuubo ikumi na lulala mu ngoye edhaakolebwa mu buviiri obw'embuzi, dhighembe ku Weema eyo.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 30:36

Era oidha kutoola ku obwo butonotono obusekule bukalamu, obumwage gha mberi w'Esanduuku ey'Endagaano mu Weema ey'Okwagaananirangamu ni Musengwa Katonda, ghe ndidha okukwagaana. Muli n'okutwala obubbaani obwo ng'ekintu ekitukuvu einho.

Okuvaayo 35:11

Tukole Weema nga tukozesa bino: ekintu ekigighembaku, n'obuntu obugemagania ekigighembaku ekyo, n'ebikondo byaku, n'embaawo edhikiikamu, n'empango dhaayo, n'ebikolo kwe dheemerera.

Okuvaayo 36:18

Era baakola obuntu obugemagania obukondo obw'oluuyi olundi ku bw'oluuyi olundi nga bwa kyuma kya kikomo, baabuta mu bukondo bule, bwayimba endhuyi dhombi dhaafuuka ekikingiriza ekiramba.

Okuvaayo 40:1

Musengwa Katonda yaakoba Musa ati:

Okuvaayo 40:6

Bwe mumala mwidha kuta alutaari ey'okwokeraku ebigheebwayo ebyokebwa mu kifo kyayo, agho okulingirira omulyango ogwingira mu Weema Entukuvu.

Ezekieli 40:1

Lwali lunaku lwa ikumi mu mwaka nga gwakatoolera, omwaka ogwamakumi abiri n'etaanu (25) nga tuli mu bunhage, era nga n'ogwali omwaka ogweikumi n'ena (14) kasookanga abazigu bagema Yerusalemu. Ku lunaku olwo naawulira mule ng'amaani ga Musengwa Katonda gandidhieku.

Ezekieli 45:18

Agho Musengwa Katonda yaakoba ati: “Ku lunaku olusooka, mu mwezi ogusooka, mwidha kutoolanga ente enume entototo era eziraku kikyamu kyonakyona, mugigheeyo olw'okutukuza eisinzizo.

Okubala 1:1

Ku lunaku olusooka mu mwezi ogwokubiri, mu mwaka ogwokubiri kasookanga Baisiraeli bava mu nsi Misiri, Musengwa Katonda yayogera ni Musa, mu irungu ery'e Sinai, mu Weema ey'Okwagaananirangamu ni Musengwa Katonda. Yaamukoba ati:

Okubala 7:1

Olunaku Musa lwe yamaliriza okusimba Weema ey'Okwagaananirangamu ni Musengwa Katonda, yagifukaku omuzigo yaagyawula okuba eya Musengwa Katonda aghalala n'ebintu byamu byonabyona. Era yaafuka ku alutaari omuzigo, yoona yaagyawula okuba eya Musengwa Katonda aghalala n'ebintu ebikozesebwaku byonabyona.

Okubala 9:1

Agho Musengwa Katonda yaayogera ni Musa mu irungu ery'e Sinai, mu mwezi ogusooka ogw'omwaka ogwokubiri kasookanga bava mu nsi Misiri.

Okubala 9:15

Olunaku Eweema ey'Okwagaananirangamu ni Musengwa Katonda eyabangamu endagaano lwe yasimbwa, ekire kyaidha kyagighembaku. Obwire, ekire ekyo kyafaanana ng'oti muliro okutuusa bwe bwakya.