Okuvaayo 40:13 - Baibuli Ekibono kya Katonda 2014

¹³ Era ovaaze Aaroni ebivaalo ebitukuvu, omusiige omuzigo, omutukuze ampeereze nga kabona.

Okuvaayo 40:13 ပူးပေါင်းရင်းမြစ်များ

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 40:14

Oidha kuleeta ni batabane boona, obavaaze ebivaalo byaibwe,

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Abalevi 7:35

Ogwo n'omugabo ogutoolebwa ku by'okulya ebigheebwayo eri Musengwa Katonda ebyokebwa, ogwagheebwa Aaroni ni batabane be ku lunaku lwe baasiigibwa omuzigo, ni baawulibwa okugheereza Musengwa Katonda nga bakabona.

Abalevi 7:36

Ku lunaku olwo Musengwa Katonda yalagira Abaisiraeli okughanga bakabona abo omugabo ogwo. Ekyo Abaisiraeli bali n'okukituukirizanga enaku dhoonadhoona.”

Abalevi 8:13

Agho Musa yaaleeta batabane ba Aaroni, yaabavaaza amasaati, yaabasiba enkoma mu nkende, era n'ebitambaala ku mitwe, nga Musengwa bweyamulagira.

Yoanne 17:19

Nze neeghaayo ku lwaibwe, memale boona beegheeyo mu mazima.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Abaheburayi 10:10

Twatukuzibwa, kuba Yesu Kurisito yakola ekyo Katonda kye yayenda bwe yaghaayo omubiri gwe omukuzi omulala guti nga gumala.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

1 Yoanne 2:20

Aye imwe, Omutukuvu yabagha Mwoyo kale mwenamwena muli n'amagezi.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.