Okuvaayo 4:8 - Baibuli Ekibono kya Katonda 2014

⁸ Era yaamukoba ati: “Bwe batalikwikiriza oba okukuwulirisa olw'akamanhiso akasooka, balikwikiriza olw'ako akairaku.

Okuvaayo 4:8 ပူးပေါင်းရင်းမြစ်များ

2 Bakyabazinga 5:7

Kyabazinga wa Isiraeli bwe yasoma embaluwa eyo, yaakanulamu ebivaalo bye olw'okusoberwa. Yaakoba ati: “Obwo nze ndi Katonda, ali n'obuyinza okwita n'okugha obulamu? Omusaadha ono aghanga atya okunsindikira omuntu mmuwonie endwaire ye ey'ebigenge? Bwenebwene ali bwa kuneesonsaaku bwesonse afune bw'anaatoolereza okusoola ninze!”

Yobu 5:18

Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Okuvaayo 4:28

Agho Musa yaakobera Aaroni ebibono byonabyona Musengwa Katonda bye yamutuma okumukobera, n'obumanhiso bwonabwona bwe yamulagira okukola.

Okuvaayo 4:7

Agho Musengwa Katonda yaakoba Musa ati: “Ingiza kabiri omukono gwo mu kanzu yo.” Musa yaingiza omukono gwe mu kanzu, mu kugutoolamu yaja okubona nga gwizeegho, nga guli ng'oti n'omubiri gwe ogundi gwonagwona.

Okuvaayo 4:9

Bwe batalikwikiriza oba okukuwulirisa waire ng'omaze okukola obumanhiso obwo bwombi, olisena amaadhi mu mwiga Kiyira waagafuka ghansi ku itaka eikalu. Amaadhi ago galifuuka musaayi ku itaka eryo eikalu.”

Isaia 28:10

Aja yaayegeresa eisomo ku isomo, ekiragiro ku kiragiro, n'akanhiriri ku kanhiriri.”

Yoanne 12:37

Waire yali akoze obumanhiso kamaala nga babona, tibaamwikiriza.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

Abalamuzi 6:17

Gideoni yairamu ati: “Oba nga onsiimye, mpa akamanhiso akooleka nga niiwe Musengwa Katonda mwene ali kwogera ninze.