Okuvaayo 4:24 - Baibuli Ekibono kya Katonda 2014

²⁴ Bwe baali nga bali mu lugendo, baatuuka aghantu agh'okusula, baasula agho. Musengwa Katonda yaayagaana agho Musa yaayenda okumwita.

Okuvaayo 4:24 ပူးပေါင်းရင်းမြစ်များ

Amainhama 17:14

Omusaadha yeenayeena atali mukekete, ataakeketebwa luwutu lwa mubiri gwe, aidha kwawulwanga ku bantu be, kuba anaabanga amenhie endagaano yange.”

Amainhama 42:27

Bwe baatuuka agh'okusula, owundi yaasibula ensawo ye okugha endogoyi ye eby'okulya, yaabona empiiya dhe nga dhiri ku munwa gw'ensawo ye.

1 Bakyabazinga 13:24

Era omulanzi oyo bweyali aja, yaayagaanana n'empologoma mu ngira, yaamwita. Omulambo gwe gwagwa agho mu ngira. Endogoyi n'empologoma byayemerera agho gha mbali ghaagwo.

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

Okuvaayo 3:18

Baidha kwikiriza ky'onaabakoba. Ng'olwo iwe n'abakulu ab'ebikunsu abo muja ye kyabazinga w'e Misiri nga mumukoba muti, ‘Musengwa Katonda, Katonda w'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo.’

Hosea 13:8

Ndibatuumiraku ng'oti n'ekisolo ekikambwe kye banhazeeku obwana bwakyo, naabayuzaamu ghabiri. Ndibakankamira nga muli gheene agho ng'oti mpologoma yeene, naabayuzayuzaamu bukutukutu ng'oti nsolo ya mu nsiko.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.