Okuvaayo 4:17 - Baibuli Ekibono kya Katonda 2014

¹⁷ Era oidha kuja n'omwigo ogwo gw'oli nagwo mu ngalo, ni gw'olikozesa obumanhiso obwo.”

Okuvaayo 4:17 ပူးပေါင်းရင်းမြစ်များ

2 Bakyabazinga 4:29

Elisha yaakoba Gehazi ati: “Yangugha mangu ogeme omwigo gwange, oje. Bw'oyagaana omuntu mu ngira, otamulamusa. Era bweghabaagho akulamusa otamwiramu. Bw'onaatuuka oidha kuta omwigo gwange ku mwana.”

Okuvaayo 14:16

Iwe toola omwigo gwo, ogusonke ku nhandha, amaadhi gaidha kwegabaniamu ghabiri, Abaisiraeli baghange okubita mu nhandha nga batambulira ku itaka ikalu.

Okuvaayo 17:9

Musa yaakoba Yoshua ati: “Londayo abasaadha muje enkyo mulwane n'Abamaleki. Nze ndidha kuba ku mutwe ogw'olusozi nga ngemye omwigo Katonda gwe yankoba okuja nagwo.”

Okuvaayo 4:2

Musengwa Katonda n'okumubuuza ati: “Kiki ekyo ekikuli mu ngalo?” Musa yaamwiramu ati: “Mwigo.”

Okuvaayo 4:20

Musa yaata mukazi we ni batabane be ku ndogoyi, baaja e Misiri, nga mwene agemye omwigo Katonda gwe yamukoba okuja nagwo.

Okubala 20:8

“Toola omwigo gwo, osoloze abantu boonaboona ng'oli ghalala ni muganda wo Aaroni. Memale okobe olubaale luveemu amaadhi gaalwo, nga boonaboona babona. Olwo oidha kutoola amaadhi mu lubaale, oghe abantu banhwe n'ebyayo byaibwe.”

1 Ab'e Korintho 1:27

Katonda yasalagho okulonda abo ensi b'etwala nga basiru, aswaze abagezi. Era yaalonda abo ensi b'etwala okuba abanafu, aswaze ab'amaani.