Okuvaayo 4:15 - Baibuli Ekibono kya Katonda 2014

¹⁵ Oidha kwogera naye omukobere eby'okukoba, era nze mwene ndiba n'iwe naakugalagira eby'okukoba. Era yeena ndiba naye naamugalagira yeena eby'okukoba era ndibagalagira mwembi eky'okukola.

Okuvaayo 4:15 ပူးပေါင်းရင်းမြစ်များ

2 Samueli 14:3

Olwo ni oje ye kyabazinga omukobe oti n'oti.” Agho Yoabu yaakobera omukazi bye yali aja okukoba kyabazinga.

Zabbuli 25:12

Omuntu oyo atya Musengwa Katonda, Musengwa Katonda alimulagirira engira entuufu okugema.

Zabbuli 51:15

Wo Musengwa Katonda, nhamba ompe okwogera, ndidha kukusaakanga.

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 4:12

Mperaano ni ja, nze mwene ndikozesa omunwa gwo, era ndikugha eby'okwogera.”

Okuvaayo 4:28

Agho Musa yaakobera Aaroni ebibono byonabyona Musengwa Katonda bye yamutuma okumukobera, n'obumanhiso bwonabwona bwe yamulagira okukola.

Okuvaayo 4:30

Aaroni yaabakobera ebibono byonabyona Musengwa Katonda bye yayogera ni Musa, era yaabakolera obumanhiso boonaboona nga babona.

Isaia 51:16

Nkutaire ebibono byange mu kanwa mwo, era ndidha kukukuumanga n'omukono gwange. Ninze eyabamba eigulu, ni ntaagho n'emisingi gy'ensi, era ni nkoba ab'omu Yerusalemu nti, ‘Niimwe abantu bange.’ ”

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Yeremia 1:9

Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Yeremia 36:32

Agho naatoola enzingo y'ekitabo eyindi, naagigha omughandiisi wange Baruku. Yaaghandiika bire byonabyona, bye nayogeranga eno nga bw'abighandiika, ebyali mu nzingo y'ekitabo kyabazinga Yehoiakimu ye yayokya. Era ku ebyo yaayongeraku n'obukwenda obundi obufaanana n'obwo.

Okubala 16:28

Musa yaakoba abantu ati: “Ku kino kwe munaamanhira nga Musengwa Katonda n'eyantuma okukola ebintu ebyo byonabyona, era nga tibikola ku bwange zenka.

Okubala 22:38

Balaamu yairamu Balaki ati: “Buti ndidhie. Aye obwo odhuuba oti ndi n'obukumu okuba ni kye ndhogera? Ekyo kyonka Katonda ky'andagira, kye nteekwa okwogera.”

Okubala 23:12

Balaamu yaamwiramu ati: “Nteekwa okwogera ebyo Musengwa Katonda by'andagira byonka.”

Okubala 23:16

Musengwa Katonda yaayagaanana ni Balaamu era yaamulagira by'anaayogera. Yaamukoba ati: “Irayo ye Balaki oyogere otyo.”

Okubala 23:5

Agho Musengwa Katonda yaalagira Balaamu by'anaayogera, era yaamukoba ati: “Irayo ye Balaki oyogere otyo.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

1 Ab'e Korintho 11:23

Okwegeresebwa kwe nafuna okuva ye Musengwa zeena kwe nabagha. Obwire Musengwa Yesu bwe baamugheerayo, yagema omugaati,

1 Ab'e Korintho 15:1

Aboluganda, nhenda okubaidhusa Amawulire Amalungi ge nabakobera ni mugaikiriza, era okwikiriza kwaimwe kwe kwemereire.

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.

Amateeka Agokubiri 5:31

Aye iwe oire ghano ghe ndi, nkukobere amateeka goonagoona n'ebiragiro byonabyona by'onaabeegeresa, babituukirizenga mu nsi ye ndi kubagha okuba eyaibwe.’ ”

1 Samueli 16:3

Agho oyete Yesse ku kughaayo omusengo ogwo nze ndikukobera eky'okukola. Omuntu ye ndikukoba, y'olisiiga omuzigo.”