Okuvaayo 4:10 - Baibuli Ekibono kya Katonda 2014

¹⁰ Aye Musa yaakoba Musengwa Katonda ati: “Wo Musengwa Katonda, tibangaku mwogezi mulungi okuva eira n'eira. Waire ni mperaano kasookanga otoolera okwogera ninze, nkaali kufuuka mwogezi mulungi. Ndhogera mpola ng'ebigambo ndowoolereza bulowoolereze.”

Okuvaayo 4:10 ပူးပေါင်းရင်းမြစ်များ

Yobu 12:2

“Bwenebwene niimwe amamiro ag'abantu, era bwe mulifa, abagezi baliwaagho.

Okuvaayo 3:11

Aye Musa yaakoba Katonda ati: “Katyo nze ninze ani, aja ye kyabazinga ow'e Misiri nti mbu kutoola Baisiraeli mu Misiri?”

Okuvaayo 4:1

Agho Musa yairamu Musengwa Katonda ati: “Aye bona eno, tibaja kundhikiriza waire okuwulirisa bye ndiba ndi kubakoba. Kuba balikoba bati, ‘Musengwa Katonda tiyakubonekera?’”

Okuvaayo 6:12

Aye Musa yairamu Musengwa Katonda ati: “Bona eno, ate oba nga Abaisiraeli tibampuliriisa, memale kyabazinga anampulirisa atya? Nze tiri mwogezi mulungi.”

Okuvaayo 6:30

Aye Musa yaakoba ati: “Wo Musengwa Katonda, okiidhi bukalamu nga nze tiri mwogezi mulungi. Memale kyabazinga anampulirisa atya?”

Yeremia 1:6

Nze naakoba nti: “Aa, Musengwa Katonda wange, bona eno, nze tiidhi kwogera kuba nkaali muto inho.”

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Ebikolwa by'Abatume 7:22

Musa yaayegeresebwa amagezi ag'Abamisiri, yaaba wa maani mu bibono ni mu bikolwa.

2 Ab'e Korintho 10:10

kuba bakoba bati: “Embaluwa dhe nkambwe era dha maani, aye bw'aba n'ife aba munafu era ataidhi na kwogera!”

2 Ab'e Korintho 11:6

Waire nga tiri mwogezi mulungi, ghazira kye ntaidhi, era ekyo mwakibona bukalamu mu byonabyona ni mu buli nsambo.