Okuvaayo 39:7 - Baibuli Ekibono kya Katonda 2014

⁷ Bwe baamala baagata ku nsibiro edhisiba ekivaalo eky'obwakabona ku mabega, gabe ag'okwidhusanga eri Abaisiraeli nga Musengwa Katonda bweyalagira Musa.

Okuvaayo 39:7 ပူးပေါင်းရင်းမြစ်များ

Nehemia 2:20

Naabairamu nti: “Katonda ow'eigulu, aidha kutugha obughanguzi. Kale ni ife abagheereza be twidha kusitukiramu tuzimbe. Aye imwe mu Yerusalemu muno, muziramu mugabo gwaimwe, oba okubaamu n'ekintu ekyaimwe, waire ekiidhukizo obwidhukizo.”

Okuvaayo 28:12

era obite ku nsibiro edhisiba ekivaalo ekyo eky'obwakabona ku mabega, dhibe eky'okwidhusa eri Abaisiraeli. Mu nsambo eyo Aaroni aidha kubanga n'amaina gaibwe ku mabega ge mu maiso ga Musengwa Katonda ng'ekiidhukizo.

Okuvaayo 28:29

“Mu nsambo eyo, Aaroni aidha kubanga n'amaina ag'abaana ba Yakobo ku kivaalo kye eky'omu kifuba, mwene ng'Omukulu wa Bakabona ky'anaakozesanga okumanha Katonda ky'ayenda buli lw'anaajanga mu Kifo Ekitukuvu mu maiso ga Katonda kibe eky'okwidhusa eri Abaisiraeli.

Okuvaayo 28:7

Kiri n'okubaaku ensibiro edhikisiba ku mabega.

Mariko 14:9

Bwenebwene ka mbakobere nti mu nsi yoonayoona buli Amawulire Amalungi ye galikoberwa, omukazi ono ky'akoze kyona kinaayogerwangaku, okumwidhukira.”

Yoshua 4:7

Nga mubakobera muti, ‘Amaadhi ag'omwiga Yorudani gaalekera agho okutambula, Sanduuku y'Endagaano bweyali ng'eri kusala omwiga ogwo.’ Kale amabaale ago ganaabanga kiidhukizo eri abantu Abaisiraeli ebyanda n'ebyanda.”