Okuvaayo 39:41 - Baibuli Ekibono kya Katonda 2014

⁴¹ Era baamuleetera ebivaalo ebirungi einho eby'okugheererezaamu nga kabona mu Kifo Ekitukuvu ebivaalo ebitukuvu ebya Aaroni kabona, n'ebivaalo bya batabane eby'okugheererezangamu nga bakabona.

Okuvaayo 39:41 ပူးပေါင်းရင်းမြစ်များ

Okuvaayo 28:2

Era oidha kukolera muganda wo oyo Aaroni ebivaalo ebiidhwire obutukuvu ebimugheesa ekitiisa, era ni bimubonesa obulungi.

Okuvaayo 28:28

Agho oidha kusiba ghalala obukondo obw'oku kivaalo eky'omu kifuba n'obukondo obw'ekivaalo eky'obwakabona, ng'okozesa akagugha aka langi ya nakasooma. Era olwo ekivaalo eky'omu kifuba ekyo kibe nga kiika bukalamu ku lusibiro olw'omu nkende olwalukirwa obukalamu ku kivaalo eky'obwakabona, era kibe nga tikirekuka kuva ku kivaalo ekyo eky'obwakabona.

Okuvaayo 28:40

“Oidha kukolera batabane ba Aaroni ebivaalo ebidholige n'empiso n'ewuuzi, obakolere n'enkoma, n'enkuufiira, nga bibagheesa ekitiisa era byababonesa bulungi.

Okuvaayo 31:10

N'ebivaalo ebirungi einho ebya Aaroni, n'ebya batabane, eby'okukola obwakabona,

Okuvaayo 39:1

Agho baakola ebivaalo bya bakabona mu langi ya bbululu, n'eya nakasooma, n'eya kasaayisaayi, eby'okugheererezangamu mu kifo ekitukuvu. Baakola ebivaalo bya Aaroni ebitukuvu nga Musengwa Katonda bweyalagira Musa.

Okuvaayo 39:40

Era baamuleetera entimbe edh'oku lugugiriro olw'oku Weema Entukuvu, n'empango dhaayo, n'ebikolo byaku, n'ekikinzaagho mu mulyango ogw'olugugiriro, n'emigugha gyaku, n'enkondo dhaaku, n'ebikozesebwa byonabyona mu Weema.

Okuvaayo 39:42

Abaisiraeli baakola omulimo ogwo gwonagwona nga Musengwa Katonda bweyalagira Musa.