Okuvaayo 39:37 - Baibuli Ekibono kya Katonda 2014

³⁷ Era baamuleetera ekikondo eky'entaala ekyakolebwa mu zaabu omukenenule, n'entaala dhaaku, n'ebikozesebwaku ebindi byonabyona, n'amafuta ag'entaala.

Okuvaayo 39:37 ပူးပေါင်းရင်းမြစ်များ

Okuvaayo 25:31

“Era oidha kukola ekikondo eky'entaala mu zaabu omukenenule. Ekikolo ghalala n'ekitundu eky'eitale eky'ekikondo ekyo, oidha kubikola mu zaabu omukenenule oyo. Era obukopo obugemerera entaala, n'okudholiga okuli ng'oti bimuli, byona oidha kubikola nga byegemeire ghalala ni bire byonabyona mu zaabu omukenenule, nga ghazira kyawukaineku.

Okuvaayo 27:20

Era Musengwa Katonda yaalagira Musa ati: “Koba Abaisiraeli bakuleetere omuzigo omukenenule ogukamwirwa mu bibala eby'emiti emyoliva ebisekwirwa, ogw'okuta mu ntaala enaayakanga obutazikira.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 39:36

Era baamuleetera emeeza n'ebikozesebwaku, n'emigaati egigheereibwayo ye Katonda.

Okuvaayo 39:38

Era baamuleetera alutaari eyakolebwa mu zaabu, n'omuzigo ogusiigibwa, n'obubbaani obuwunha akawoowo, n'ekikinzaagho mu mulyango ogwingira mu Kifo Ekitukuvu Einho.

Okubala 8:2

“Koba Aaroni oti, bw'aba ng'ali kuta entaala omusanvu ku kikondo kyadho, adhiteeku dhibe nga dhimulisa mberi wa kikondo ekyo.”

Okubala 8:3

Era Aaroni yaakola atyo, yaata entaala ku kikondo kyadho nga dhimulisa mberi wa kyo, nga Musengwa Katonda bweyalagira Musa.

Ab'e Filippi 2:15

olwo mubuleku omusango oba ekintu kyonakyona ekiboogezaaku obubi. Mube abaana ba Katonda abatuukiriire nga muli mu bantu ab'oluse luno ababi era abaayonooneka. Mubaakiremu ng'oti mataala mu nsi muno.