Okuvaayo 38:27 - Baibuli Ekibono kya Katonda 2014

²⁷ Ku feeza oyo eyasolozebwa, baakozesaaku obuzito bwa kilo nkumi isatu na bina olw'okukola ebikolo eby'Eweema entukuvu, n'ebyo eby'olutimbe olwawula Ekifo Ekitukuvu Einho ku Kifo Ekitukuvu. Omwo baakolamu ebikolo kikumi nga buli kikolo kimalagho feeza azitogha kilo asatu na ina.

Okuvaayo 38:27 ပူးပေါင်းရင်းမြစ်များ

Okuvaayo 26:19

Ebikondo ebyo oidha kubikolera ebikolo amakumi ana nga bya feeza kwe binaayemereranga. Nga buli kikondo kiri n'ebikolo bibiri ebirimu ebituli omwingira ebintu bire ebibiri ebisongovu eby'ekikondo ekyo.

Okuvaayo 26:21

Ebikondo ebyo oidha kubikolera ebikolo amakumi ana nga bya feeza, era nga buli kikolo kiri n'ebikondo bibiri.

Okuvaayo 26:25

Kale, ebikondo biidha kuba munaana n'ebikolo byabyo ikumi na mukaaga ebya feeza, nga buli kikondo kyemereire ku bikolo bibiri.

Okuvaayo 26:32

Olutimbe olwo oidha kulusiba ku mpango ina edh'omuti ogwetebwa akasia, era nga dhirimbiibwaku zaabu dhoonadhoona okudheezunguluza. Olutimbe olwo oidha kulusibya obusumaali bwa zaabu ku mpango edho eina, nga dheemereire ku bikolo bina ebya feeza.

Okuvaayo 38:26

Buli muntu eyali agheza emyaka amakumi abiri egy'obukulu oba okusingagho eyabalibwa, yali n'okughaayo omughendo ogumusabibwa ng'ajiira ku mbala entongole ey'eisinzizo. Era abantu abo baali abantu emitwalo nkaaga n'enkumi isatu na bitaanu n'ataanu.

Okuvaayo 38:28

Kilo dha feeza amakumi asatu edhaasigalagho baadhikolamu obusumaali obw'oku mpango, n'okulimbya ku mitwe gyadho, n'okudhikoleraku obuntu obudhigemagania.