Okuvaayo 38:26 - Baibuli Ekibono kya Katonda 2014

²⁶ Buli muntu eyali agheza emyaka amakumi abiri egy'obukulu oba okusingagho eyabalibwa, yali n'okughaayo omughendo ogumusabibwa ng'ajiira ku mbala entongole ey'eisinzizo. Era abantu abo baali abantu emitwalo nkaaga n'enkumi isatu na bitaanu n'ataanu.

Okuvaayo 38:26 ပူးပေါင်းရင်းမြစ်များ

Okuvaayo 12:37

Abaisiraeli baatoolera olugendo lwaibwe ku bigere, era baatambula okuva e Ramesesi baatuuka e Sukkothi. Baali abasaadha ng'oti mitwalo nkaaga (600,000), nga tobaze bakazi na baana.

Okuvaayo 30:12

“Bw'onaaba ng'oli kubala Abaisiraeli, buli muntu aidha kwesasulira olw'okwenunula eri nze Musengwa Katonda olw'obulamu bwe okubalibwa, alobe kugwibwaku kibamba.

Okuvaayo 30:13

Buli muntu abalibwa aidha kughaayo ebitundu bya feeza ng'ajiira ku mbalirira entongole ey'omu isinzizo. Buli muntu anaabanga n'okughaayo ekigheebwayo ekyo eri nze Musengwa Katonda.

Okuvaayo 38:27

Ku feeza oyo eyasolozebwa, baakozesaaku obuzito bwa kilo nkumi isatu na bina olw'okukola ebikolo eby'Eweema entukuvu, n'ebyo eby'olutimbe olwawula Ekifo Ekitukuvu Einho ku Kifo Ekitukuvu. Omwo baakolamu ebikolo kikumi nga buli kikolo kimalagho feeza azitogha kilo asatu na ina.

Okubala 1:2

“Mubale Abaisiraeli boonaboona abali mu buli kika ni mu buli nda. Mughandiike amaina ag'abasaadha boonaboona

Okubala 1:3

abagheza emyaka amakumi abiri n'okusingagho, abasobola okulwana mu lutalo. Iwe ni Aaroni mubabale.

Okubala 1:46

baali emitwalo nkaaga n'enkumi isatu na bitaanu n'ataanu (603,550).

Okubala 2:32

Abo n'Abaisiraeli abaabalibwa nga bajiira ku nda dhaibwe ni ku bikunsu byaibwe. Baali emitwalo nkaaga n'enkumi isatu na bitaanu n'ataanu (603,550).

Okubala 26:2

“Mubale Abaisiraeli boonaboona abagheza emyaka amakumi abiri n'okusingagho, abali mu buli nda, abasobola okulwana mu lutalo.”

Okubala 26:51

Agho Abaisiraeli boonaboona abaabalibwa, baaba emitwalo nkaaga na lukumi na lusanvu n'asatu (601,730).

Matayo 17:24

Agho baatuuka e Kaperinaumu. Abasoloza empooza ey'eisinzizo baaseeta ghe Petero baakoba bati: “Omwegeresa waimwe tagha mpooza ya isinzizo?”