Okuvaayo 38:17 - Baibuli Ekibono kya Katonda 2014

¹⁷ Ebikolo bye yaayemerezaaku empango edho yaabikola mu kyuma kya kikomo, ate obusumaali n'obuntu obudhigemagania byaba bya feeza. Emitwe egy'empango edho gyonagyona yaagirimbyaku feeza okugyezunguluza.

Okuvaayo 38:17 ပူးပေါင်းရင်းမြစ်များ

1 Bakyabazinga 7:16

Era yaakola emitwe ebiri mu kyuma eky'ekikomo ekisaanuusiibwa, egy'okuta ku ntwiko edh'empango edho eibiri, nga buli mutwe gugheza mita ibiri n'obutundu bubiri mu buleeyi.

Okuvaayo 27:10

Engoye edho dhiidha kuba ku mpango amakumi abiri, edhinaaba nga dheemereire ku bikolo amakumi abiri. Empango edho n'ebikolo byadho, biidha kukolebwa mu kyuma kya kikomo, ate obusumaali bwadho n'obuntu obudhigemagania bikolebwe mu feeza.

Okuvaayo 38:16

Engoye dhoonadhoona dhe yatimba okwezunguluza olugugiriro dhaali mpegheevu.

Okuvaayo 38:18

Ekintu ekikinzaagho mu mulyango ogw'olugugiriro yaakikola mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era yaakitungiramu ebimuli ng'akozesa empiso n'ewuuzi. Ekikinzaagho ekyo nga kigheza mita mwenda obuleeyi ate obugungumavu mita ibiri, ng'oti n'engoye edhindi dhoonadhoona edh'oku lugugiriro.

Okubala 3:36

Omulimo ogwabagheebwa gwali gwa kulabiriranga ebikondo bya Weema eyo, n'embaawo edhikiikamu, n'empango, n'ebikolo ebyemereraku ebikondo, n'ebikolerwaku. Nga n'abalabirira emirimo egigemagana n'ebintu ebyo byonabyona.

Okubala 4:32

n'empango edh'oluya olwezungulula Weema eyo, n'ebikolo byadho, n'enkondo edhireega, n'emigugha, n'ebintu ebikozesebwa ku bintu ebyo. Buli muntu oidha kumughanga ekintu ky'anaabanga n'okubbeeda.