Okuvaayo 37:9 - Baibuli Ekibono kya Katonda 2014

⁹ Ebifaananie ebyo yaabikola ng'abirinzagania, aye ng'amaiso galingiriire ku kisandikiza ekyo, era nga byandhulwiza amaghagha gaabyo gaaghemba ku kisandikiza ekyo.

Okuvaayo 37:9 ပူးပေါင်းရင်းမြစ်များ

Amainhama 28:12

Yaaloota amadaala agasimbiibwa ku itaka, nga gatuuka ku igulu yaja okubona nga bamalaika ba Katonda bali kuganiina bwe baika!

Amainhama 3:24

yaamubingira kuliya. Ku luuyi olw'enimiro olw'e buvandhuba yataayo ebitonde ebiri n'amaghagha ebyetebwa kerubi, era n'empiima eyaka, era ng'ekyukira ku ndhuyi dhoonadhoona okukuumanga engira eja ku muti ogw'obulamu.

1 Bakyabazinga 6:27

Bikerubi ebyo yaabita ghagati mu Kifo Ekitukuvu Einho. Amaghagha gaabyo gaakolebwa nga mandhuluze, ng'eighagha ery'ekindi lituuka ku kimante eky'oluuyi olundi, n'ery'ekindi lyatuuka ku kimante eky'oluuyi olundi. Ate amaghagha gaabyo agandi nga gagemaganira ghagati gh'Ekifo Ekitukuvu Einho.

Okuvaayo 25:20

Ebifaananie ebyo mubikole nga mubirinzagainia, aye nga amaiso gaabyo galingiriire ku kisandikiza, era nga byandhulwiza amaghagha gaabyo nga gaghemba ku kisandikiza ekyo.

Okuvaayo 37:10

Era yaakola emeeza mu muti ogwetebwa akasia ng'obuleeyi bwayo egheza sentimita kinaana na munaana, obugazi bwaba sentimita amakumi ana na ina (44), n'obugungumavu bwayo nga buli sentimita nkaaga na mukaaga (66).

Okuvaayo 37:8

Yaabita ku ndhuyi dhombi edh'ekisandikiza eky'esanduuku eyo. Ebifaananie bino byombi yaabikolera ghalala, byegema ghalala, byaba kintu kirala nga tibyawukaine.

Isaia 6:2

Ghaigulu gha kyabazinga oyo, ghaali nga gheemereiregho ebitonde ebyetebwa serafimu, nga buli kirala kiri n'amaghagha mukaaga: abiri nga kigeeghembye mu maiso, abiri agandi kyageeghemba ku bigere, ate abiri agasigairegho kyagakozesa okuguluka.

Yoanne 1:51

Era yaabakoba ati: “Bwenebwene ka mbakobere, mulibona eigulu nga libwikwike era nga bamalaika ba Katonda abandi baniina, era ng'abandi baika ku Mwana w'Omuntu.”

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.