Okuvaayo 37:25 - Baibuli Ekibono kya Katonda 2014

²⁵ Era yaakola alutaari mu mbaawo edh'omuti ogwetebwa akasia ey'okuniokezangaku obubbaani. Ng'endhuyi dhaayo eina dhaagayaga obuleeyi sentimita amakumi ana na itaanu (45), n'obugazi sentimita amakumi ana na itaanu. Obugungumavu bwayo nga buli sentimita kyenda. Yaakoleraku ebintu ebiri ng'oti mayiga ga nsolo, byaba nga byegemye ni alutaari eyo ghalala nga tibyawukaine.

Okuvaayo 37:25 ပူးပေါင်းရင်းမြစ်များ

2 Ebyomubyanda 26:16

Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.

Okuvaayo 31:8

emeeza n'ebikozesebwa byaku byonabyona, ekikondo eky'entaala nga kikolebwa mu zaabu omukenenule n'ebikozesebwa byaku byonabyona, alutaari ey'okuniokezaaku obubbaani,

Okuvaayo 35:15

Era tukozese bino: alutaari ey'okuniokezaaku obubbaani, n'emiti egy'okugibbeedesanga, n'omuzigo ogw'okusiiga, n'obubbaani obuwunha akawoowo, n'ekintu ekikinzaagho mu mulyango ogwingira mu Kifo Ekitukuvu Einho.

Okuvaayo 37:24

Ekikondo ekyo, n'ebindi byonabyona ebyakolerwaku byamalagho talanta namba edho nga ni kilo asatu n'eitaanu edha zaabu omukenenule.

Okuvaayo 37:26

Ku ngulu kwayo, n'okugyezunguluza endhuyi dhaayo, ni ku bintu ebyo ebiri ng'oti mayiga, yaalimbyaku zaabu omukenenule, era yaagikoleraku omugo mu zaabu omukenenule, okugyezunguluza yoonayoona.

Okuvaayo 40:5

Olwo mute alutaari eyakolebwa mu zaabu ey'okuniokezaaku obubbaani, mu maiso ag'Esanduuku ey'Endagaano, era muteegho ekikinzaagho ekyakolebwa okuba mu omulyango ogwingira mu Weema Entukuvu.

Matayo 23:19

Abatulu imwe, kiki ekisinga, ekirabo oba alutaari etukuza ekirabo ekyo?

Abaheburayi 13:10

Tuli ni alutaari abo abagheereza mu nhumba ya Katonda kwe bataikirizibwa kulya.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.