Okuvaayo 37:20 - Baibuli Ekibono kya Katonda 2014

²⁰ Ekitundu eky'eitale eky'ekikondo kyaliku obukopo buna, nga buli kakopo kafaanana n'ekimuli eky'omuti ogwetebwa alumondi nga kiramba n'obukaba bwaku.

Okuvaayo 37:20 ပူးပေါင်းရင်းမြစ်များ

Okuvaayo 25:31

“Era oidha kukola ekikondo eky'entaala mu zaabu omukenenule. Ekikolo ghalala n'ekitundu eky'eitale eky'ekikondo ekyo, oidha kubikola mu zaabu omukenenule oyo. Era obukopo obugemerera entaala, n'okudholiga okuli ng'oti bimuli, byona oidha kubikola nga byegemeire ghalala ni bire byonabyona mu zaabu omukenenule, nga ghazira kyawukaineku.

Okuvaayo 25:33

Buli lusaga, nga bwe dhiri omukaaga, lwidha kubaaku obukopo busatu, nga buli kakopo kafaanana ng'oti n'ekimuli eky'omuti ogwetebwa alumondi, nga kiramba n'obukaba bwaku.

Okuvaayo 25:34

Ekitundu eky'eitale eky'ekikondo kiidha kubaaku obukopo buna obufaanana ng'oti n'ekimuli eky'omuti ogwetebwa alumondi, nga kiramba n'obukaba bwaku.

Okuvaayo 37:19

Buli lusaga, nga bwe dhaali omukaaga, nga luliku obukopo busatu, nga buli kakopo kafaanana n'ekimuli eky'omuti ogwetebwa alumondi, nga kiramba n'obukaba bwaku.

Okuvaayo 37:21

Era nga kiisi ensaga eibiri ghe dhitandiikira okuva ku kitundu eky'eitale eky'ekikondo, nga ghaligho ekintu ekiri ng'oti kimuli era nga kikoleirwagho kyegemeragho irala aghazira kwawukanamu.

Omulangirizi 12:5

Ng'otya okuba mu bifo ebyeruupye ghaigulu, era ng'otya n'okutambula mu ngira wenka. Olwo nga n'enviiri dhifuuse ndheru, ng'okwetuka bukwetuke ng'oti isisi, era nga tokaali na kye weegomba. Ng'otuusiiza okuja mu kiwuumulo kyo eky'olubeerera, era nga n'abalizi bali kwesomba mu nguudo.

Yeremia 1:11

Agho Musengwa Katonda yambuuza ati: “Yeremia, oli kubona ki?” Naamwiramu nti: “Ndi kubona olusaga olw'omuti omwalumondi.”

Okubala 17:8

Ku lunaku olwairirira, Musa bweyaja mu Weema eyo, yaabona ng'omwigo gw'Aaroni ogw'ab'ekika kya Levi gusibwike, gwaleeta amakaba, gwamulisa ebimuli, era gwataaku ebibala ebyetebwa alumondi ebyenvu.