Okuvaayo 36:8 - Baibuli Ekibono kya Katonda 2014

⁸ Abantu abasinga kuba na bumanhi mu bakozi boonaboona, n'abaakola Weema ey'Okwagaananirangamu ni Musengwa Katonda. Baagikola mu nsuubo ikumi nga dhaakolebwa mu ngoye empegheevu edhaalukibwa obukalamu edha langi ya bbululu, n'edh'eya nakasooma, n'edh'eya kasaayisaayi. Era baatungiramu ebifaananie eby'ebitonde ebiri n'amaghagha ebyetebwa kerubi, nga bakozesa empiso n'ewuuzi.

Okuvaayo 36:8 ပူးပေါင်းရင်းမြစ်များ

1 Bakyabazinga 6:23

Mu Kifo Ekitukuvu Einho yaakolerayo ebifaananie eby'ebitonde bibiri ebiri n'amaghagha ebyetebwa kerubi. Yaabikola mu miti emyoliva, nga buli kifaananie kigheza mita ina n'obutundu buna mu bugungumavu.

1 Ebyomubyanda 15:1

Daudi yazimba amayumba ge mu kyetebwa Ekibuga kya Daudi. Yaategeka n'ekifo eky'okutaamu Esanduuku ya Katonda, yaakisimbaku weema.

2 Ebyomubyanda 1:3

Abantu abo boonaboona abeesoloza, yaaja nabo mu kifo ekigulumivu eky'okusinzizaamu ekyali e Gibeoni kuba mu kifo ekyo n'omwali Weema ey'Okwagaananirangamu ni Musengwa Katonda, Musa omugheereza wa Musengwa Katonda oyo gye yakolera mu irungu.

2 Ebyomubyanda 3:10

Yaakola ebifaananie eby'ebitonde bibiri ebiri n'amaghagha ebyetebwa kerubi, yaabita mu Kifo Ekitukuvu Einho. Yaabikola nga bya muti, era byombi yaabirimbyaku zaabu, yaabibunia.

Okuvaayo 25:18

Era mukole ebifaananie bibiri eby'ebitonde ebiri n'amaghagha ebyetebwa kerubi, nga mubikola mu zaabu, bibe ku ndhuyi dhombi edh'ekisandikiza eky'esanduuku eyo.

Okuvaayo 25:22

Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.”

Okuvaayo 31:6

Era naamulonderaku Oholiabu mutabane wa Ahisamaka ow'ekika kya Dani. Era naagha ekitone eky'obusobozi abo boonaboona abakozi ab'amagezi, baghange okukola ebyo byonabyona bye ndi kulagira okukola.

Okuvaayo 31:7

Bye ndi kulagira ni bino: Eweema ey'Okwagaananirangamu ni Musengwa Katonda, Esanduuku ey'Endagaano n'ekisandikiza kyaku, ni byonabyona eby'okukozesanga mu Weema eyo, bino

Okuvaayo 35:10

“Kiisi ali n'obumanhi obw'okukola, aidhe tukole ebyo Musengwa Katonda bye yalagira.

Okuvaayo 36:9

Obuleeyi obw'olusuubo olulala nga buli mita ikumi na ibiri, obugazi bwalwo bwaba mita ibiri, era ng'ensuubo dhoonadhoona dhaagayaga.

Okuvaayo 39:3

Baagheesa n'amagezi mangi obubaati bwa zaabu, baabusala mu ngeri ya buwuuzi, baabutungira mu ngoye edha langi ya bbululu, n'edh'eya nakasooma, n'edh'eya kasaayisaayi, n'empegheevu.