Okuvaayo 36:1 - Baibuli Ekibono kya Katonda 2014

¹ “Bezalelo, ni Oholiabu, na kiisi muntu yeenayeena aghanga okukola, Musengwa Katonda b'aghaire obusobozi n'okutegeera ebyetaagisa mu kukola Weema entukuvu, baidha kukola ebyo byonabyona nga Musengwa Katonda bweyalagira.”

Okuvaayo 36:1 ပူးပေါင်းရင်းမြစ်များ

1 Bakyabazinga 7:14

Hiramu oyo yali musaadha mugezi, ng'ali n'obumanhi mu kutetenkania n'okukola emirimo gyonagyona egy'okugheesa ebintu mu kyuma eky'ekikomo. Yali mutabane wa namwandu ow'omu kika kya Nafutali. Ise yali mutyamye ow'e Tiro, era nga mugheesi wa bintu eby'ekyuma eky'ekikomo. Hiramu oyo, yaidha eri kyabazinga Solomoni, yaamukolera emirimo gye gyonagyona.

1 Ebyomubyanda 2:20

Huri oyo yaazaala Uri, ate Uri Yazaala Bezaleli.

1 Ebyomubyanda 28:21

Bakabona n'Abalevi baabo bamaze okugheebwa emirimo gyonagyona gye banaakolanga mu ngobo mu isinzizo. Abakozi abali n'obumanhirivu obw'okukola kiisi mulimo baligho era beetegefu okukola. N'abakulembeze boona, ghalala n'abantu boonaboona baidha kugonderanga by'onaabalagiranga.”

Zabbuli 119:6

Olwo tyandiswaziibwa, kuba omwoyo gwange gwonagwona gwandibaire ku biragiro byo byonka.

Okuvaayo 12:28

Baaja baakola nga Musengwa Katonda bweyalagira Musa ni Aaroni.

Okuvaayo 25:8

Era koba abantu bankolere eisinzizo memale olwo mbabengamu.

Okuvaayo 28:3

Oidha kwogera n'abantu abasobola okukola ekyo, abantu be nagha amagezi n'obumanhi, bamukolere ebivaalo ayawulibwe ankolere omulimo ogw'obwakabona.

Okuvaayo 31:11

n'omuzigo ogw'okusiiga, n'obubbaani obuwunha akawoowo obw'okuniokeza mu Kifo Ekitukuvu. Ebyo byonabyona biri na kukolebwa nga bwe nakulagira.”

Okuvaayo 36:2

Agho Musa yaayeta Bezalelo, ni Oholiabu, na kiisi muntu yeenayeena aghanga okukola, Musengwa Katonda ye yagha obusobozi, era eyawulira mu mwoyo gwe ng'alumirwa Weema ey'Okwagaananirangamu ni Musengwa Katonda.

Okuvaayo 38:23

Yayambibwa ku Oholiabu mutabane wa Ahisamaka, ow'ekika kya Dani. Oholiabu oyo yali mubaadhi wa mabaale ag'omughendo, nga muyiiya, nga mulusi wa ngoye, era nga engoye dhoonadhoona: ka dhibe edha bbululu, oba edha nakasooma, oba edha kasaayisaayi, oba empegheevu, ng'adhidholiga n'empiso n'ewuuzi.

Okuvaayo 39:1

Agho baakola ebivaalo bya bakabona mu langi ya bbululu, n'eya nakasooma, n'eya kasaayisaayi, eby'okugheererezangamu mu kifo ekitukuvu. Baakola ebivaalo bya Aaroni ebitukuvu nga Musengwa Katonda bweyalagira Musa.

Okubala 7:9

Aye abo abasimuka mu Kohathi Musa ti yabagha bigaali waire okubagha ente, kuba ebintu ebitukuvu bye baagheebwa okulabiriranga, byali nga biri na kubbeedebwa ku mabega gaibwe.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Abaheburayi 8:2

agheereza nga Kabona Omukulu mu Kifo Ekitukuvu Einho. Ekifo ekyo, ni weema yeene etaateebwagho bantu, aye eyateebwagho Musengwa.