Okuvaayo 35:6 - Baibuli Ekibono kya Katonda 2014

⁶ Oba aleete ku bino: engoye dha langi ya bbululu, n'edh'eya nakasooma, n'edh'eya kasaayisaayi, n'engoye empegheevu, n'edho edhaakolebwa mu buviiri obw'embuzi.

Okuvaayo 35:6 ပူးပေါင်းရင်းမြစ်များ

Okuvaayo 28:33

Okwezunguluza ekitundu eky'eifo eky'ekanzu, oidha kutungiraku ebifaananie eby'ebibala eby'oku muti omukomamawanga mu langi ya bbululu, n'eya nakasooma, n'eya kasaayisaayi. Era otungireku endege nga dha zaabu, nga dhiri ndalandala buli ghagati gh'ebifaananie eby'emikomamawanga ebibiri.

Okuvaayo 28:15

Agho Musengwa Katonda yaalagira Musa ati: “Era oidha kukola ekivaalo eky'omu kifuba Omukulu wa Bakabona ky'anaakozesanga okumanha Katonda ky'ayenda. Oidha kukikola mu nsambo n'endala ng'oti n'ekivaalo eky'obwakabona, ng'okozesa engoye edha langi ya zaabu, n'edh'eya bbululu, n'edh'eya nakasooma, n'edh'eya kasaayisaayi, n'engoye empegheevu.

Okuvaayo 26:36

“Mu mulyango ogwingira mu Kifo Ekitukuvu Einho oidha kukoleragho ekintu ekikinzaagho nga kyakolebwa mu lugoye olwa langi ya bbululu, n'olw'eya nakasooma, n'olw'eya kasaayisaayi, ni mu lugoye olughegheevu era okitungiremu ebimuli ng'okozesa empiso n'ewuuzi.

Okuvaayo 26:31

“Era mwidha kukolayo olutimbe mu ngoye edha langi ya bbululu, n'edh'eya nakasooma, n'edh'eya kasaayisaayi, era ni mu ngoye empegheevu. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 26:1

Era Musengwa Katonda yaakoba ati: “Oidha kukola ensuubo ikumi odhite mu Weema, nga dhaakolebwa mu ngoye empegheevu edhaalukibwa obukalamu, edha langi ya bbululu, n'edh'eya nakasooma, n'edh'eya kasaayisaayi. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 25:4

engoye edha langi ya bbululu, n'edh'eya nakasooma, n'edh'eya kasaayisaayi, n'engoye empegheevu, n'edho edhaakolebwa mu buviiri obw'embuzi,

Okuvaayo 35:5

Buli muntu atoole ekigheebwayo akighe Musengwa Katonda. Kiisi ali n'omwoyo omugabi aleetere Musengwa Katonda ekigheebwayo, nga ku bino: zaabu, feeza, n'ekyuma eky'ekikomo.

Okuvaayo 35:7

Oba aleete ku bino: amawu amakunhe ag'entaama enume, n'amawu amakunhe ag'ensolo edhindi, n'embaawo edhaasalibwa mu muti ogwetebwa akasia.