Okuvaayo 35:5 - Baibuli Ekibono kya Katonda 2014

⁵ Buli muntu atoole ekigheebwayo akighe Musengwa Katonda. Kiisi ali n'omwoyo omugabi aleetere Musengwa Katonda ekigheebwayo, nga ku bino: zaabu, feeza, n'ekyuma eky'ekikomo.

Okuvaayo 35:5 ပူးပေါင်းရင်းမြစ်များ

2 Bakyabazinga 12:4

Agho Yoashi yaakoba bakabona ati: “Empiiya dhoonadhoona edhiva mu bintu ebigheebwayo ye Musengwa Katonda edhireetebwa mu isinzizo, edho nga n'empiiya kiisi muntu dh'agerekerwa okugha, era oteeku n'edho omuntu dh'aba nga yeeyamye mwene okugha,

2 Ebyomubyanda 29:31

Agho Hezekia yaakoba abantu ati: “Mpegaano ni, nga bwe mumaze okwetukuza ni muba aba Musengwa Katonda, museete muleete mu isinzizo emisengo n'ebigheebwayo olw'okwebaza.” Abantu abaali beesoloiza baaleeta emisengo n'ebigheebwayo olw'okwebaza. Era abandi baaleeta ebigheebwayo ebyokebwa eby'ekyeyendere.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Okuvaayo 25:1

Musengwa Katonda yaakoba Musa ati:

Okuvaayo 35:21

Buli muntu eyawulira mu mwoyo gwe ng'alumirwa Weema ey'Okwagaananirangamu ni Musengwa Katonda, yaidha ng'aleese ekigheebwayo ye Musengwa Katonda, kikozesebwe mu kukola Weema eyo, n'ebikozesebwa mu Weema omwo, era n'ebivaalo ebitukuvu.

Okuvaayo 35:29

Abaisiraeli boonaboona, abasaadha n'abakazi, abaawulira mu myoyo gyaibwe nga balumirwa omulimo Musengwa Katonda gwe yalagira ng'abita mu Musa, baaleeta ebigheebwayo ebyo beene nga benda aghazira kukakibwa, baabighaayo ye Musengwa Katonda.

Okuvaayo 35:4

Musa yaakoba Abaisiraeli boonaboona ati: “Kino Musengwa Katonda ky'abalagiire.

Okuvaayo 35:6

Oba aleete ku bino: engoye dha langi ya bbululu, n'edh'eya nakasooma, n'edh'eya kasaayisaayi, n'engoye empegheevu, n'edho edhaakolebwa mu buviiri obw'embuzi.

2 Ab'e Korintho 9:7

Kale buli muntu ateekwa okukola nga bw'asazeegho mu mwoyo gwe, era nga ti lwa nnaakola ntya, oba lwa kukakibwa kuba Katonda ayenda oyo agaba nga musangaavu.

Abalamuzi 5:9

Ndi musangaavu olw'abaduumizi ba Isiraeli, abantu abo abeeghaayo ekyeyendere. Musaake Musengwa Katonda!