Okuvaayo 34:9 - Baibuli Ekibono kya Katonda 2014

⁹ Era yaakoba ati: “Wo Musengwa Katonda, oba nga ongemeirwa ekivunika, nkusaba obe mu ife tujiire ghalala niiwe. Waire ng'abantu bano ba mpwitu, tukusaba otusonighe olw'okukola ebibi n'olw'empwitu otutwale nga tuli bantu bo.”

Okuvaayo 34:9 ပူးပေါင်းရင်းမြစ်များ

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Zabbuli 28:9

Wo Musengwa Katonda, lokola abantu bo, era oghe enkabi abo be weerobozaamu, iwe obenga mwayi waibwe, era obalabirirenga ebyanda n'ebyanda.

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Zabbuli 78:62

Yasungughalira abantu abo ababe ku bubwe, yaaleka abazigu baibwe baabaita.

Zabbuli 94:14

Musengwa Katonda taja kusuulirira bantu be; taja kulekulira agho ighanga lye yeerondera.

Okuvaayo 19:5

Kale ni, bwe munaagonderanga bye mbakoba, ni mukuuma endagaano yange, mwidha kubanga bantu bange ab'endhawulo ku bantu bange abandi boonaboona. Ensi yoonayoona yange, aye imwe munaabanga bantu bange abalondemu.

Okuvaayo 32:9

Nze Musengwa Katonda ndidhi nti abantu bano ba mpwitu inho.

Okuvaayo 33:12

Musa yaakoba ati: “Wo Musengwa Katonda, wankoba okukulembera abantu bano, aye tiwankobera muntu y'oja kuntuma naye. Era wankoba oti ondidhi bukalamu, era oti osiima bye nkola.

Okuvaayo 34:7

Ninze ayoleka enkumi n'enkumi edh'abantu okugonza kwange okwo okutakoma. Era mbasonigha olw'okukola ebibi, n'olw'obudheemu, n'olw'empwitu. Aye tiroba kubonereza baana na baidhukulu lwa bibi bya bazaire baibwe, mu nse dhoonadhoona okutuuka ku lwokusatu ni ku lwokuna.”

Isaia 48:4

Namanha nga bwe muli ab'empwitu, abali n'emyoyo emibbalangafu ng'oti n'ekyuma ekigumu einho, era abali n'ebirowoozo ebikalangafu ng'oti n'ekyuma ky'ekikomo.

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Zekaria 2:12

Musengwa Katonda oyo aliiramu kabiri okulonda Buyudaaya yaagifuula ensi eyiye ku bubwe entukuvu. Era yairamu n'okulonda Yerusalemu kibe ekibuga kye ky'agonza einho.

Okubala 14:19

Nkweghemba osonighe abantu bano ebibi byaibwe olw'okugonza kwo okungi okutakoma, era nga bw'obaire obasonighanga kasookanga bava e Misiri n'okutuusa mpegaano.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Amateeka Agokubiri 4:20

Aye imwe yabagemaku, yaabatoola e Misiri ye mwabanga ng'oti n'abali mu muliro ogw'amaani ogusaanuusa ekyuma ekigumu einho. Yaabafuulira irala abantu be nga bwe muli mpegaano.

Amateeka Agokubiri 9:18

Neeyala ku itaka nga neefundiike mu maiso ga Musengwa Katonda, nga bwe nali mmaze okukola mu kusooka. Naamala enaku amakumi ana, omusana n'obwire, nga tirya mere waire okunhwa amaadhi. Kuba mwali nga mukoze ekibi mwasungughaza Musengwa Katonda.

Amateeka Agokubiri 9:26

Neeghemba Musengwa Katonda nga nkoba nti, ‘Wo Musengwa Katonda waife, otazikiriza bantu bo ababo ku bubwo, be wanunula n'obuyinza bwo, era be watoola mu Misiri n'amaani go agataloodheka.

Amateeka Agokubiri 9:29

Ate nga abo n'abantu bo, ababo ku bubwo, be watoola mu Misiri n'obuyinza bwo obungi era n'amaani amangi.’ ”