Okuvaayo 34:22 - Baibuli Ekibono kya Katonda 2014

²² “Buli makungula lwe ganaatuukanga mwidha kukolanga Ekibinuko eky'Amakungula ag'engaano esooka. Era ku nkomerero ey'omwaka mwidha kukolanga ekibinuko eky'Entindi eky'okusololeza ebirime mu byagi.

Okuvaayo 34:22 ပူးပေါင်းရင်းမြစ်များ

2 Ebyomubyanda 8:13

Yaabighangayo nga bwe kyalinga kiragirwa buli lunaku, ng'Amateeka ga Musa bwe galagira okubighaayo: ku Sabbato, ni ku Kibinuko eky'Okuboneka kw'Omwezi, ni ku bibinuko ebisatu ebya buli mwaka eky'Emigaati Egitazimbulukusiibwa, n'eky'Amakungula, n'eky'Entindi.

Okuvaayo 23:14

“Buli mwaka mwidha kwidhanga munkolere ebibinuko bya mikuzi esatu olw'okumpa ekitiisa.

Okuvaayo 23:16

“Ekibinuko eky'Amakungula n'ekyokubiri, ekibaagho nga muli kukungula bye mwasiga mu misiri gyaimwe ebisooka. “Ku nkomerero ey'omwaka munaakolanga ekibinuko ekyokusatu eky'okusololeza ebirime mu byagi, ekyetebwa Ekibinuko eky'Entindi.

Abalevi 2:12

Mughengayo eri Musengwa Katonda ebigheebwayo ku birime ebisooka okukungulwa buli mwaka, aye bitayokebwanga ku alutaari.

Abalevi 23:15

“Munaabalanga wiiki musanvu okuva ku lunaku olwiririra Sabbato eyo lwe muleeteireku ekinhwa kyaimwe eky'engaano okukighaayo eri Musengwa Katonda.

Abalevi 23:34

“Kobera Abaisiraeli ati olweikumi n'eitaanu olw'omwezi ogwo ogwomusanvu, ghanaabangagho Ekibinuko eky'Entindi ekikolerwa Musengwa Katonda, okumala enaku musanvu.

Okubala 29:1

“Ku lunaku olusooka olw'omwezi ogwomusanvu mwidha kwesolozanga okunsinza, era mutalukolerangaku mulimo gwonagwona. Ku lunaku olwo mwidha kufuuwanga endeka,

Yoanne 7:2

Ekibinuko ky'Abayudaaya eky'Entindi kyali kiri kumpi okutuuka.

Ebikolwa by'Abatume 2:1

Agho olunaku lwa Pentekote bwe lwatuuka, Abeegeresebwa boonaboona baali beesololeiza mu kifo kirala.

Amateeka Agokubiri 16:9

Musa yaakoba Abaisiraeli ati: “Mwidha kubalanga wiiki musanvu okuva lwe munaatooleranga okukungula engaano mu nimiro,