Okuvaayo 34:21 - Baibuli Ekibono kya Katonda 2014

²¹ “Oli n'enaku mukaaga edh'okukoleraku emirimo gyo gyonagyona. Aye ku lunaku olwomusanvu otakolanga mulimo gwonagwona ka bibe biseera bya kulima oba bya kukungula.

Okuvaayo 34:21 ပူးပေါင်းရင်းမြစ်များ

Okuvaayo 23:12

“Oli n'enaku mukaaga dh'oghanga okukoleramu emirimo gyo, aye olwomusanvu oidhanga kuwuumula. Olwo ente dho n'endogoyi dho dhighange okuwuumula, era abairu bo, n'abamaghanga agandi abakukolera bawuumule bairemu amaani.

Luka 13:14

Olw'okuba Yesu yamuwonia ku Sabbato, omukulu wa sinagoga, yaasungughala era yakoba ekikunsu eky'abantu ati: “Ghaligho enaku mukaaga emirimo kwe giteekwa okukolerwa, mwidhenga ku nnaku edho muwonezebwe, aye ti ku lwa Sabbato.”

1 Samueli 8:12

Abandi aidha kubatangagho okuba abaduumizi b'ebikunsu eby'abaisirukale olukumi olukumi, n'abandi okuduumira ebikunsu eby'abaisirukale amakumi ataanu ataanu. Abandi aidha kubalimyanga mu masamba ge, bamukungulirenga ebirime bye, ate abandi bamugheekezenga eby'okulwanisa n'ebikozesebwa ku bigaali bye eby'omu lutalo.

Amateeka Agokubiri 21:4

baagiserengesa mu kiiko omuli amaadhi agakuuluula, nga tikirimwangamu waire okusigibwamu ebirime. Olwo baamenha enkoto yaayo.

Okuvaayo 35:2

Emirimo giidha kukolebwanga mu nnaku mukaaga, aye olunaku olwomusanvu, ni Sabbato, lunaku lwa Musengwa Katonda lwa kuwuumula era lutukuvu. Omuntu yeenayeena anaakolanga omulimo gwonagwona ku Sabbato aidha kwitibwanga.

Luka 23:56

baira baategeka obuwoowo n'omuzigo. Ku lwa Sabbato baawuumula, ng'ebiragiro bwe bikoba.

Isaia 30:24

Ate ente dhaimwe n'endogoyi dhe mulimisa mu nimiro, dhiriryanga eby'okulya ebirimu omuunhu ebimaze okusensebwa obukalamu.

Amainhama 45:6

“Endhala yaakamala mu nsi emyaka ebiri, ate ng'ekaasigaireyo emyaka egindi etaanu, abantu gye bataja kulimiramu, waire okukunguliramu.

Okuvaayo 31:15

Emirimo giidha kukolebwanga mu nnaku mukaaga, aye olunaku olwomusanvu, ni Sabbato, lunaku lwa Musengwa Katonda lwa kuwuumula era lutukuvu. Omuntu yeenayeena anaakolanga omulimo gwonagwona ku Sabbato aidha kwitibwanga.

Abalevi 23:3

“Enaku dhiri mukaaga edhinaakolerwangaku emirimo, aye olunaku olwomusanvu, lwa Sabbato, lunaku lwa kuwuumula. Ku lunaku olwo mutakolanga mulimo gwonagwona, aye mwesolozenga okunsinza. Olwa Sabbato lunaku lwa Musengwa Katonda yoonayoona ye munaabanga.

Nehemia 13:15

“Mu biseera ebyo, naabonanga mu Buyudaaya abantu abakunha omwenge ogw'emizabbibu ku lunaku lwa Sabbato! Abandi baatwikanga ku ndogoyi dhaibwe, emungo edh'engaano, n'omwenge gw'emizabbibu, n'emizabbibu gyene, n'ebibala eby'emiti emitiini, n'emigugu egya buli nsambo. Abantu abo naababonanga nga baleeta ebintu ebyo mu Yerusalemu ku lunaku lwa Sabbato! Aye nze naabalabulanga obutatunda kintu kyonakyona ku lunaku lwa Sabbato.