Okuvaayo 34:20 - Baibuli Ekibono kya Katonda 2014

²⁰ Endogoyi enume ezaalibwa mu luzaalo olusooka muginunulanga nga mughaayo entaama ento. Aye bwe mubanga nga timuginunwire, muginiolanga enkoto yaafa. N'omwana omulenzi omuberi munaamununulanga mu nsambo n'endala eyo. “Ghatabangagho aidha kusinza ng'azira kigheebwayo.

Okuvaayo 34:20 ပူးပေါင်းရင်းမြစ်များ

2 Samueli 24:24

Aye kyabazinga yaakoba Arauna ati: “Busa toidha kubimpa bughe, aye ndidha kubigula omughendo ogubijaamu. Tiidha kughaayo kigheebwayo kyokebwa eri Musengwa Katonda wange kye ntaguze na mughendo kuva mu nsawo yange.” Kale Daudi yaagula ekifo aghakubirwa engaano n'ente dhaaku ebitundu amakumi ataanu ebya feeza.

Okuvaayo 13:10

Kale mwidha kukuzanga olunaku olwo mu biseera bya lwo buli mwaka.

Okuvaayo 13:12

mughangayo abaana abalenzi ababeri boonaboona baaba ba Musengwa Katonda. Era n'ensolo enume edhaazaalibwa mu luzaalo olusooka dhoona dha Musengwa Katonda.

Okuvaayo 13:13

Endogoyi enume ezaalibwa mu luzaalo olusooka, muginunulanga nga mughaayo entaama ento. Aye bwe mubanga nga timuginunwire muginiolanga enkoto, yaafa. Era n'omwana omulenzi omuberi munaamununulanga mu nsambo n'endala.

Okuvaayo 13:15

kuba kyabazinga ow'e Misiri bweyakalanguka omwoyo n'aloba okutuleka tuve mu Misiri, Musengwa Katonda yaita abaana abalenzi ababeri boonaboona ab'Abamisiri era yaita n'ensolo dhaibwe enume dhoonadhoona edhaazaalibwa mu luzaalo olusooka. Kale kye tuva ni tughaayo eri Musengwa Katonda omusengo ogw'ensolo enume dhoonadhoona edhizaalibwa mu luzaalo olusooka aye abaana baife ababeri boonaboona tubanunula.’

Okuvaayo 22:29

“Oidha kundeeteranga ebigheebwayo ku birime by'osooka okukungula, ni ku muzigo ogw'emiti emyoliva gy'okamula, ni ku mwenge gw'emizabbibu gw'okunha. Era oidha kumpanga omwana omulenzi anaasookanga okuzaalibwa.

Okuvaayo 23:15

Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Okubala 18:15

“Buli kintu kyonakyona ekinaazaalibwanga mu luzaalo olusooka ekigheebwayo eri nze Musengwa Katonda, k'abe omuntu oba k'ebe ensolo, kiidha kubanga kikyo. Aye oidha kuganhanga okutwala ekyo ekinaagheebwangayo okununula omwana omuberi, n'ekyo ekinaagheebwangayo okununula ensolo ezaalibwa mu luzaalo olusooka etali nongoofu.

Amateeka Agokubiri 16:16

“Abasaadha boonaboona ab'omu ighanga lyaimwe, baidha kujanga basinze Musengwa Katonda waimwe emikuzi esatu mu mwaka, mu kifo ky'aliba ng'alonzeegho okumusinzizangamu. Baidha kukolerangayo ebibinuko bino: eky'Emigaati Egitazimbulukusiibwa, eky'Amakungula, n'eky'Entindi. Era tibaidhenga mu maiso ga Musengwa Katonda nga bazira kye baleese.