Okuvaayo 34:12 - Baibuli Ekibono kya Katonda 2014

¹² Mwegendereze mubone nga timukola ndagaano n'abantu be mulyagaana mu nsi ye muli kujaamu, kuba ekyo kisobola okubaleetera okwonoona.

Okuvaayo 34:12 ပူးပေါင်းရင်းမြစ်များ

1 Bakyabazinga 11:2

Solomoni yabayiza abakazi okuva mu maghanga ago, waire nga Musengwa Katonda yali amaze okukoba Abaisiraeli ati: “Mutafumbiraganwanga na bantu abo, kuba bwenebwene baja kubakyusa emyoyo gyaimwe, musinze emisambwa gyaibwe.” Aye Solomoni yaabeesibaku, yaabenda.

2 Bakyabazinga 17:10

Baasimba empango n'ebifaananie eby'omusambwa omukazi, Ashera, ku buli lusozi olugungumavu, na buli ghansi mu kinsense kya muti muzibirivu.

2 Ebyomubyanda 24:18

Baava ku kusinzizanga mu isinzizo lya Musengwa Katonda, Katonda wa badhaadha baibwe, baira ku kusinzanga omusambwa omukazi Ashera n'ebisinzibwa ebindi ebitali Katonda. Era Musengwa Katonda oyo yaasungughalira Buyudaaya ni Yerusalemu, olw'omusango gwaibwe ogwo.

Zabbuli 106:36

nga basinza ebitali Katonda era ekyo kyabaviiraku okuzikirira.

Okubala 33:52

mwidha kubingangamu abatyamye baamu boonaboona be munaayagaanangamu, muzikirizenga ebifaananie byaibwe byonabyona ebibaadhe mu mabaale, n'ebyo ebyakolebwa mu kyuma ekisaanuusiibwa, era musaaniengagho ebifo byaibwe ebigulumivu eby'okusinzizaamu.

Amateeka Agokubiri 20:18

Mubaitenga bwite, balobe kubaleeteranga kwonoona ye Musengwa Katonda, nga babeegeresa okujiiranga ku mpisa edheenhinhalwa, dhe bajiiraku mu kusinza bakatonda baibwe.

Amateeka Agokubiri 31:5

Musengwa Katonda aidha kuta abantu abo mu ngalo dhaimwe, mubakoleku nga bwe mbalagiire.

Amateeka Agokubiri 7:16

Muzikirizenga amaghanga goonagoona Musengwa Katonda waimwe g'anaabatanga mu ngalo, era mutagagemerwanga kivunika. Mutasinzanga bakatonda baago, kuba ekyo kisobola okubafuukira imwe omutego.

Amateeka Agokubiri 7:2

Musengwa Katonda waimwe bw'alita abantu abo mu ngalo dhaimwe ni mu baghangula, muteekwa okubasaaniagho boonaboona. Mutakolanga nabo ndagaano waire ndala eti, era mutabagemerwanga kivunika naire.

Yoshua 9:7

Aye Abaisiraeli baabakoba bati: “Tusobola tutya okukola n'imwe endagaano? Musobola okuba nga muva kumpi ghano.”

Abalamuzi 6:10

Agho naakoba imwe nti, Ninze Musengwa Katonda waimwe, mutasinzanga misambwa gya Bamori beene nsi ye mulimu.’ Aye imwe mwaloba kuwulirisa kye nkoba.”

Abalamuzi 8:27

Gideoni yaakola mu zaabu oyo ekisinzibwa ekitali Katonda, yaakita mu kibuga kye ekiri mu Ofura. Abaisiraeli boonaboona baava ku Katonda, baajangayo okukisinza, kyafuuka omutego eri Gideoni n'ab'omu maka ge.