Okuvaayo 34:10 - Baibuli Ekibono kya Katonda 2014

¹⁰ Musengwa Katonda yaakoba Musa ati: “Bona eno, buti ndi kukola n'imwe endagaano. Ndidha kukola ebyewuunhio ng'abantu bo boonaboona babona, ebyewuunhio ebitakolwangaku mu ighanga lyonalyona mu nsi yoonayoona. Abantu boonaboona balikibona ekyo kye nja okukola, kuba kye nja okukola mu imwe kiriba kitiisa.

Okuvaayo 34:10 ပူးပေါင်းရင်းမြစ်များ

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

Zabbuli 106:22

eyakola ebyewuninkiriza mu nsi ya Hamu, era eyakola ebyewuunhisa nga bali mu Nhandha Emyufu.

Zabbuli 136:4

Oyo ni yenka akola ebyewuunhio ebikologho; okugonza kwe tikukoma, kubaagho byanda na byanda.

Zabbuli 145:6

Abantu baidha kughayanga ku bye wakola eby'amaani, ninze zeena nkoberenga abantu nga bw'oli omukologho.

Zabbuli 147:20

Ekyo takikolerangaku nsi yindi yoonayoona, era tibaidhi by'alagira. Mwenamwena musaake Musengwa Katonda!

Zabbuli 65:5

Bwe tukusaba otwiramu, waatuwonia ng'okola ebyewuninkiriza. Niiwe Katonda atulokola, era eisuubi ery'abantu boonaboona ab'oku nsi n'abo abali eyo ng'otuumye enhandha edhiri eghala einho.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 66:5

Mwidhe mubone Katonda by'akoze, ebintu by'akola mu bantu bya ntiisa.

Zabbuli 68:35

Katonda ng'ali mu kifo kye ekitukuvu atiisa, Katonda oyo owa Isiraeli agha abantu be amaani n'obukumu. Katonda oyo asaakibwe!

Zabbuli 72:18

Musengwa Katonda asaakibwe, Katonda wa Isiraeli, ni yenka akola ebyewuunhisa.

Zabbuli 76:12

Abafuzi abamalamu emyoyo, era bakyabazinga abali ku nsi abatiikiza irala baatenha.

Zabbuli 77:14

Niiwe Katonda akola ebyewuunhio, era wayoleka amaghanga ebikolwa byo eby'amaani.

Zabbuli 78:12

Katonda yakola ebyewuunhio nga badhaadha baibwe babona bati bye yakolera eyo mu biketezo eby'e Zoani mu nsi Misiri.

Okuvaayo 34:27

Agho Musengwa Katonda yaakoba Musa ati: “Ghandiika ebibono ebyo, kuba nja kukola endagaano n'iwe, n'Abaisiraeli boonaboona, nga njiira ku bibono ebyo.”

Okuvaayo 34:28

Kale Musa yaaghandiika ebibono eby'endagaano, amateeka eikumi, ku bibaadho eby'amabaale. Yaaba eyo ni Musengwa Katonda okumala enaku amakumi ana omusana n'obwire, era nga talya mere waire okunhwa amaadhi.

Isaia 64:3

Olundi, bwe waika n'okola ebitiisa bye twali titusuubire, ensozi dhaatengeetera mu maiso go.

Yeremia 32:21

Watoola abantu bo Abaisiraeli mu Misiri ng'okozesa amaani go agataloodheka. Waakola ebyewuunhio n'ebyewuninkiriza, era waaleetera ebintu ebitiisa einho okubaagho.

Mika 7:15

Wo Musengwa Katonda, tukolere ebyewuunhio nga bwe wakolanga mu biseera bye twalinga e Misiri.

Amateeka Agokubiri 10:21

Mumusaakenga, oyo ni Katonda waimwe. Mweboneraku n'amaiso gaimwe eby'amaani era ebitiisa bye yabakolera.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Amateeka Agokubiri 4:13

Yaabakobera endagaano ye, ye yabalagira okutuukiriza, ago nga n'amateeka eikumi. Era yaagaghandiika ku bibaadho bibiri eby'amabaale.

Amateeka Agokubiri 9:19

Naatya olw'obusungu n'ekiruyi Musengwa Katonda bye yali nabyo ng'ali kwenda na kubazikiriza. Aye Musengwa Katonda oyo yaawulira kye namusaba ni ku mukuzi ogwo.

Yoshua 6:20

Kale bakabona baafuuwa endeka. Era abantu olwawulira endeka baaleekaana inho n'amaani, ebimante ebyali byezungulwire ekibuga byagwa byonabyona ku itaka. Olwo abantu bangira mu kibuga butereevu okuva buli muntu ghe yali, baakigema.