Okuvaayo 34:1 - Baibuli Ekibono kya Katonda 2014

¹ Agho Musengwa Katonda yaakoba Musa ati: “Baadha ebibaadho bibiri eby'amabaale ebiri ng'ebyasooka, ndidha kughandiikaku ebibono ebyali ku bire ebyasooka bye wamenha.

Okuvaayo 34:1 ပူးပေါင်းရင်းမြစ်များ

Zabbuli 119:89

Wo Musengwa Katonda, iwe ky'okoba kirigho era kya kubaagho mu igulu ebyanda n'ebyanda.

Okuvaayo 24:12

Musengwa Katonda yaakoba Musa ati: “Niina olusozi oidhe ye ndi. Bw'otuuka nteegerera, ndidha kukugha ebibaadho eby'amabaale agaliku amateeka n'ebiragiro bye naghandiikira abantu olw'okubagalagira.”

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 32:16

Katonda mwene n'eyabikola era n'eyabighandiikamu amateeka.

Okuvaayo 32:19

Agho Musa bweyaseeta okumpi n'Abaisiraeli ghe baasimba weema dhaibwe, yaabona ekifaananie eky'ente ento enume, n'abantu nga bali kukina. Agho obusungu obw'amaani bwamusituka, yaasuula ebibaadho eby'amabaale bye yali agemye mu ngalo, byamenheka nga yaakatuuka agho olusozi ghe luweeraku.

Okuvaayo 34:28

Kale Musa yaaghandiika ebibono eby'endagaano, amateeka eikumi, ku bibaadho eby'amabaale. Yaaba eyo ni Musengwa Katonda okumala enaku amakumi ana omusana n'obwire, era nga talya mere waire okunhwa amaadhi.

Okuvaayo 34:4

Kale Musa yaabaadha ebibaadho bibiri eby'amabaale ebiri ng'ebyasooka, era yaasituka ku nkyo inho yaaniina ku lusozi Sinai n'ebibaadho ebyo mu ngalo dhe nga Musengwa Katonda bweyamulagira.

Yeremia 36:32

Agho naatoola enzingo y'ekitabo eyindi, naagigha omughandiisi wange Baruku. Yaaghandiika bire byonabyona, bye nayogeranga eno nga bw'abighandiika, ebyali mu nzingo y'ekitabo kyabazinga Yehoiakimu ye yayokya. Era ku ebyo yaayongeraku n'obukwenda obundi obufaanana n'obwo.

Amateeka Agokubiri 4:13

Yaabakobera endagaano ye, ye yabalagira okutuukiriza, ago nga n'amateeka eikumi. Era yaagaghandiika ku bibaadho bibiri eby'amabaale.