Okuvaayo 33:9 - Baibuli Ekibono kya Katonda 2014

⁹ Musa bweyangiranga mu Weema eyo, ng'ekire ekiri ng'oti mpango kiika, nga kyesimba gha mulyango ogw'Eweema eyo, nga Musengwa Katonda ayogera ni Musa.

Okuvaayo 33:9 ပူးပေါင်းရင်းမြစ်များ

Amainhama 17:22

Olwamala okwogera ni Aburahamu, Katonda yaavaagho, yaaja ghaigulu.

Amainhama 18:33

Musengwa Katonda bweyamala okwogera ni Aburahamu, yaaja. Ni Aburahamu yeena yaira ewuwe.

Zabbuli 99:7

Yayogeranga nabo ng'ali mu kire ekyesimbanga oti mpango, baagemanga kiisi kye yabakobanga; baagonderanga amateeka, ge yabaghanga.

Okuvaayo 25:22

Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.”

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 33:10

Era abantu bwe baabonanga ekire ekiri ng'oti mpango nga kyesimbye gha mulyango ogw'Eweema eyo, ng'abantu boonaboona basituka, nga basinza nga buli muntu ali gha mulyango ogw'eweema ye.

Okuvaayo 33:11

Atyo Musengwa Katonda bweyayogeranga ni Musa maiso ku maiso, ng'oti n'omuntu bw'ayogera ni mukagwa we. Musa bweyamalanga, yairanga agho Abaisiraeli ghe baalinga nga basimbye weema dhaibwe, aye omugheereza we omwisuka ye baayetanga Yoshua, mutabane wa Nuni, tiyavanga mu Weema eyo.

Okuvaayo 33:8

Era kiisi Musa lwe yajanga mu Weema eyo, ng'abantu boonaboona basituka, buli muntu yaayemerera ku mulyango ogw'eweema ye yaalingirira Musa okutuusa lwe yangiranga mu Weema eyo.

Okuvaayo 34:3

Ghatabaagho muntu yeenayeena y'oidha naye, waire omuntu yeenayeena okubonebwaku aghantu woonawoona ku lusozi olwo. Era ghatabaagho nsolo yoonayoona eyayirwa ku lusozi olwo, oba okumpi na lwo, k'ebe entaama, oba embuzi, oba ente.”

Okuvaayo 34:5

Agho Musengwa Katonda yaikira mu kire, yaayemerera agho ni Musa era yaayatula eriina lye erya “Musengwa Katonda.”

Okuvaayo 34:9

Era yaakoba ati: “Wo Musengwa Katonda, oba nga ongemeirwa ekivunika, nkusaba obe mu ife tujiire ghalala niiwe. Waire ng'abantu bano ba mpwitu, tukusaba otusonighe olw'okukola ebibi n'olw'empwitu otutwale nga tuli bantu bo.”

Ezekieli 3:22

Agho naawulira mule ng'amaani ga Musengwa Katonda gandidhieku. Era Musengwa Katonda oyo yankoba ati: “Situkiramu oje mu kiketezo eky'oku museetwe, eyo ye ndidha okwogerera n'iwe.”

Okubala 11:17

Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 7:89

Agho Musa bweyaja mu Weema ey'Okwagaananirangamu ni Musengwa Katonda, okwogera ni Musengwa Katonda, yaawuliranga amamiro nga gava ghaigulu agh'ekisandikiza eky'Esanduuku ey'Endagaano. Gaaviira ghagati agh'ebitonde ebibiri ebiri n'amaghagha ebyetebwa kerubi, gaayogera naye.

Amateeka Agokubiri 31:14

Musengwa Katonda yaakoba Musa ati: “Mpegaano osigaizaayo enaku ntono ofe. Mbeeni yeta Yoshua, mweyandhule mu Weema ey'Okwagaananirangamu ni Musengwa Katonda, nsobole okumutaagho ng'omukulembeze wa Isiraeli.” Agho Musa ni Yoshua baaja beeyandhula mu Weema ey'Okwagaananirangamu ni Musengwa Katonda.

Amateeka Agokubiri 31:15

Musengwa Katonda yaababonekera nga bali eyo, ng'ali mu kire ekyesimbye ng'oti mpango. Empango eyo yeesimba gha lwigi lw'Eweema.