Okuvaayo 33:6 - Baibuli Ekibono kya Katonda 2014

⁶ Kale abantu baava agho ku lusozi Sinai, beeyongerayo nga batoiremu ebyamadholobera byaibwe, era tibairayo kubivaala.

Okuvaayo 33:6 ပူးပေါင်းရင်းမြစ်များ

Okuvaayo 3:1

Agho Musa bweyali ng'ali kwaya ebyayo bya Yethuro mukoirume we eyamuzaaliranga mukazi we, era nga Yethuro oyo ni kabona w'e Midia, yabitambuza mu irungu e bugwandhuba yaabituusa ni ku lusozi lwa Katonda olwetebwa Horebu.

Okuvaayo 32:3

Kale abantu boonaboona beetoolaku empeta dha zaabu dhe baali nadho ku matu gaibwe, baadhigheereza Aaroni.

Okuvaayo 33:4

Abantu bwe baawulira amawulire ago amabi baatoolera okulira, era baaloba kuvaala byamadholobera byaibwe;

Okuvaayo 33:5

kuba Musengwa Katonda yali amaze okukoba Musa akobe abantu ati: “Muli ba mpwitu inho, era bwe njiira aghalala n'imwe, ni bwekaba akaseera akatono kati, mbaita naabamalagho. Buti ni mutoolemu ebyamadholobera byaimwe, nze mwene ndidha kumanha eky'okubakolera.”

Okuvaayo 33:7

Mperaano buli Abaisiraeli ghe baasimbanga weema dhaibwe, nga Musa ataagho eweema nga yeeswireku akata okuva agho. Eweema eyo ng'agyeta Eweema ey'Okwagaananirangamu ni Musengwa Katonda. Era kiisi eyayendanga okwebuuza ku Musengwa Katonda ng'aja ye Weema eyo.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yona 3:5

Abantu ab'e Nineve baikiriza obukwenda bwa Katonda, era baalangirira buli muntu okusiiba endhala okuviira irala ku babbede okutuukira irala ku basembayo ghansi. Baavaala ekutiya okwoleka okwenenia kwaibwe.