Okuvaayo 33:14 - Baibuli Ekibono kya Katonda 2014

¹⁴ Musengwa Katonda yaamwiramu ati: “Kale nze ndidha kuja n'iwe era ndidha kukuganha okuwuumula”

Okuvaayo 33:14 ပူးပေါင်းရင်းမြစ်များ

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Zabbuli 95:11

Kyenava ni ndayira mu busungu nti, ‘Tija kubaganha kutuuka ghe nali nja okubagheera okuwuumula.’ ”

Okuvaayo 13:21

Musengwa Katonda yaabayambanga basobole okutambula omusana n'obwire: omusana yabakulemberangamu ng'ali mu kire ekiri ng'oti mpango okubooleka engira ye babe babitemu, ate obwire yaabanga mu muliro oguli ng'oti mpango okubamuliikirira.

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 31:2

Nga bakaali mu irungu nze nagemerwa ekivunika abo abaawonagho ni bataitibwa. Era Abaisiraeli abo bwe beegomba einho okuwuumulaku,

Yeremia 6:16

Musengwa Katonda yaakoba abantu be ati: “Mwemerere mu maagaanana g'engira, mulinge eno n'ere, mubuuze babooleke aghali obugira obw'eira, n'aghali engira enungi. Mutambulire omwo, olwo mufune emiraala.” Aye beene baakoba bati: “Busa, titwidha kutambulira omwo.”

Danieli 12:13

“Kale ni iwe Danieli, gema engira yo oje, osigale ng'oli mwesigwa okutuusa ku nkomerero. Era waire olifa, olimala waazuukira wagheebwa empeera yo mu kiseera eky'oluvainhuma.”

Matayo 11:28

“Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Amateeka Agokubiri 12:10

Aye bwe munaasomoka omwiga Yorudani, Musengwa Katonda waimwe aidha kubagha ensi eyo mugitwale. Aidha kubawonianga abazigu baimwe ababeezungulwire, mubenga miraala.

Amateeka Agokubiri 25:19

Agho ni, Musengwa Katonda waimwe bw'alibagha okutyama mu nsi ni mutereera, n'atoolagho abazigu baimwe boonaboona ababeezungulwire mu nsi y'ali kubagha okuba obutaka bwaimwe, mulizikiriza Abamaleki abo mwabasaaniagho, baaloba kwidhukirwanga ku nsi. Muteerabiranga kukola ekyo.”

Amateeka Agokubiri 3:20

Mubeereku baganda baimwe abo, okutuusa lwe balitwala ekiketezo kyaibwe, Musengwa Katonda ky'ali kubagha e bugwandhuba gh'omwiga Yorudani, era okutuusa boona Musengwa Katonda lw'alibagha okutyama ni batereera ng'oti niimwe. Memale mwaira, kiisi muntu ku butaka bwe, bwe namugha.’

Amateeka Agokubiri 31:8

Era Musengwa Katonda mwene n'aidha okukukulemberamu era abenga n'iwe. Talikuvaaku waire okukulekulira agho. Otatya era otawaamu maani.”

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 21:44

Musengwa Katonda yaabagha emiraala woonawoona mu kiketezo ekyo, era nga bwe yasuubiza badhaadha baibwe. Ku bazigu baibwe nga ghazira waire mulala ati asobola okubeegezaamu, kuba Musengwa Katonda ng'asobozesa Abaisiraeli okughangula abazigu baibwe abo boonaboona.

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.