Okuvaayo 33:12 - Baibuli Ekibono kya Katonda 2014

¹² Musa yaakoba ati: “Wo Musengwa Katonda, wankoba okukulembera abantu bano, aye tiwankobera muntu y'oja kuntuma naye. Era wankoba oti ondidhi bukalamu, era oti osiima bye nkola.

Okuvaayo 33:12 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

2 Samueli 15:25

Agho kyabazinga Daudi yaakoba Zadoki ati: “Mubbeede Esanduuku ey'Endagaano ya Katonda mugiizeeyo mu kibuga. Musengwa Katonda bw'aliba angemeirwa ekivunika, alindhiza naagibonaku, naabona n'ekifo kyayo mw'eba.

Zabbuli 1:6

Katonda alabirira era yaakugira abatuufu, aye ababi balizikirira.

Okuvaayo 3:10

Ka nkutume ye kyabazinga ow'e Misiri otoole abantu bange abo mu Misiri.”

Okuvaayo 3:4

Musengwa Katonda bweyabona nga Musa ali kuseeta, yaamwetera ghagati mu kisaka ekyo ati: “Musa, Musa.” Musa yaavugira ati: “Ndi ghano.”

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Okuvaayo 33:1

Agho Musengwa Katonda yaakoba Musa ati: “Muve ghano, iwe n'abantu be watoola mu Misiri, muje mu nsi ye nalayira okugha Aburahamu, ni Isaaka, ni Yakobo, n'abaana baibwe, n'abaidhukulu.

Okuvaayo 33:17

Agho Musengwa Katonda yaakoba Musa ati: “Ekyo kyenekyene ky'okobye ndidha kukikola, kuba nkwidhi bukalamu inho era nsiima by'okola.”

Okuvaayo 33:2

Ndidha kutuma malaika emberi waimwe, era ndidha kubinga mu nsi eyo Abakanaani, n'Abamori, n'Abahitti, n'Abaperizzi, n'Abahivi, n'Abayebusi.

Okuvaayo 34:9

Era yaakoba ati: “Wo Musengwa Katonda, oba nga ongemeirwa ekivunika, nkusaba obe mu ife tujiire ghalala niiwe. Waire ng'abantu bano ba mpwitu, tukusaba otusonighe olw'okukola ebibi n'olw'empwitu otutwale nga tuli bantu bo.”

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 45:3

Ndikugha obukombe bwe baakweka mu bifo ebyekusifu, olwo omanhe nga nze Musengwa Katonda, Katonda wa Isiraeli, ninze nkwese eriina lyo obe wange.

Yeremia 1:5

“Nakulonda nga nkaali na kukuwumba mu nda ya inhoko. Era wali okaali kuzaalibwa naakutukuza naakulonda obe mulanzi eri amaghanga.”

Haggai 2:5

Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”