Okuvaayo 33:11 - Baibuli Ekibono kya Katonda 2014

¹¹ Atyo Musengwa Katonda bweyayogeranga ni Musa maiso ku maiso, ng'oti n'omuntu bw'ayogera ni mukagwa we. Musa bweyamalanga, yairanga agho Abaisiraeli ghe baalinga nga basimbye weema dhaibwe, aye omugheereza we omwisuka ye baayetanga Yoshua, mutabane wa Nuni, tiyavanga mu Weema eyo.

Okuvaayo 33:11 ပူးပေါင်းရင်းမြစ်များ

Amainhama 32:30

Yakobo yaatuuma ekifo ekyo eriina Penieli, ng'akoba ati: “Mbonagaine ni Katonda maiso ku maiso, aye naasigala nga nkaali mulamu.”

2 Ebyomubyanda 20:7

Wo Katonda waife, iwe wabinga mu nsi eno abantu abaagirimu ng'abantu bo Abaisiraeli bali kumpi okutuukayo. Waagigha baidhukulu ba mukagwa wo Aburahamu, ebenga yaibwe lubeerera.

Yobu 16:21

Nandyenze ghabeegho ampolerezaayo ye Katonda, ng'oti n'omuntu bw'awolerezaayo muntu mwine, eri omuntu amuvunaana omusango.

Okuvaayo 17:9

Musa yaakoba Yoshua ati: “Londayo abasaadha muje enkyo mulwane n'Abamaleki. Nze ndidha kuba ku mutwe ogw'olusozi nga ngemye omwigo Katonda gwe yankoba okuja nagwo.”

Okuvaayo 24:13

Kale Musa yaasituka ni Yoshua eyamuyambangaku, era Musa yaaniina ku lusozi lwa Katonda.

Okuvaayo 32:17

Yoshua yaawulira amamiro ag'abantu nga bali kwasiikana. Agho yaakoba Musa ati: “Ndi kuwulira amamiro ag'abantu abali kulwana nga gava mu Baisiraeli.”

Okuvaayo 33:10

Era abantu bwe baabonanga ekire ekiri ng'oti mpango nga kyesimbye gha mulyango ogw'Eweema eyo, ng'abantu boonaboona basituka, nga basinza nga buli muntu ali gha mulyango ogw'eweema ye.

Okuvaayo 33:9

Musa bweyangiranga mu Weema eyo, ng'ekire ekiri ng'oti mpango kiika, nga kyesimba gha mulyango ogw'Eweema eyo, nga Musengwa Katonda ayogera ni Musa.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Okubala 11:28

Yoshua mutabane wa Nuni, nga mugheereza wa Musa, era owundi ku bantu ba Musa oyo abalondemu, yaakoba Musa ati: “Musengwa balobere!”

Okubala 12:7

Aye ntyo ti bwe nkola ku mugheereza wange Musa. Namugha okulabirira abantu bange boonaboona.

Okubala 12:8

Oyo ndhogera naye butereevu maiso ku maiso, se ti mu bikoiko. Era ambona bukalamu nga bwe nfaanana. Kale mukana mutya ni mwemuluguunhiza omugheereza wange oyo Musa?”

Yoanne 11:11

Yesu bwe yamala okwogera ebyo yaakoba ati: “Mukagwa waife Lazaro atendwike, aye ndi kuja kumuzuusa.”

Yoanne 3:29

Omugole aba w'oyo amubayiiza. Mukagwa w'oyo abayiiza bw'ayemerera n'awulira eiroboozi ly'oyo abayiiza asangaala. Kale ni eisanhu lyange lituukiriire.

Amateeka Agokubiri 31:14

Musengwa Katonda yaakoba Musa ati: “Mpegaano osigaizaayo enaku ntono ofe. Mbeeni yeta Yoshua, mweyandhule mu Weema ey'Okwagaananirangamu ni Musengwa Katonda, nsobole okumutaagho ng'omukulembeze wa Isiraeli.” Agho Musa ni Yoshua baaja beeyandhula mu Weema ey'Okwagaananirangamu ni Musengwa Katonda.

Amateeka Agokubiri 34:10

Okuva ku olwo tighabangaghooku kabiri mulanzi mu Isiraeli ali ng'oti ni Musa, Musengwa Katonda ye yamanha n'ayogeranga naye maiso ku maiso.

Amateeka Agokubiri 5:4

Musengwa Katonda yayogera n'imwe maiso ku maiso eyo ku lusozi, ng'ali mu muliro ghagati.

Yakobo 2:23

Era ebyaghandiikibwa byatuukirira ebikoba biti: “Aburahamu yaikiriza Katonda, era ekyo kyamuviiramu okugheebwa obutuukirivu era ni Katonda okumweta mukagwa we.”