Okuvaayo 32:7 - Baibuli Ekibono kya Katonda 2014

⁷ Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Okuvaayo 32:7 ပူးပေါင်းရင်းမြစ်များ

2 Ebyomubyanda 27:2

Yothamu yaakolanga ebituufu Musengwa Katonda by'asiima, nga lata we Uzzia bye yakolanga. Aye tiyaghaguza kwingira mu isinzizo kuniokeza bubbaani, ng'oti ni ise bwe yakola waire ng'abantu baaja mu maiso n'okukola ebibi.

Zabbuli 78:36

Aye ebibono byaibwe byali bya kumusuutiriza busuutirize na munwa, nga bye boogera buguya bwereere.

Okuvaayo 19:24

Musengwa Katonda era yaamukoba ati: “Ika ghansi onone Aaroni mwire naye ghano aye bakabona n'abantu otabaganha kutuuma nsalosalo kwidha ghe ndi, bwe banaakola batyo ndidha kubabonereza.”

Okuvaayo 32:1

Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Okuvaayo 32:4

Aaroni yaadhitoola, yaadhisaanuusa, era yaakozesa akatiba yaabakoleramu ekifaananie eky'ente ento enume. Agho baakoba bati: “Isiraeli, ono ni katonda wo eyakutoola mu Misiri!”

Okuvaayo 33:1

Agho Musengwa Katonda yaakoba Musa ati: “Muve ghano, iwe n'abantu be watoola mu Misiri, muje mu nsi ye nalayira okugha Aburahamu, ni Isaaka, ni Yakobo, n'abaana baibwe, n'abaidhukulu.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Amateeka Agokubiri 31:29

Kuba ndidhi nti bwe ndimala okufa balifuukira irala ababi, baaloba kukola bye mbalagiire. Era ye bwidha, ebizibu biribaidhira, olw'okuleetera Musengwa Katonda okusungughala nga bakola by'atayenda.”

Amateeka Agokubiri 32:5

Aye abantu be boonooni era tibakaali babe olw'okwonoona kwaibwe. Bafuuse ighanga idankaanu eryadaaliima.

Amateeka Agokubiri 4:16

mwekuume mulobe kwonoona nga mwekolera ekisinzibwa ekitali Katonda eky'ensambo yoonayoona, ekifaanana ng'oti musaadha oba mukazi,

Amateeka Agokubiri 9:12

“Agho Musengwa Katonda yankoba ati, ‘Situka oserengete mangu, kuba abantu be watoola e Misiri boonooneike baakola ekibi. Bakyuse amangu ago, baava ku bye nabalagira okujiirangaku, beekolera ekifaananie mu kyuma ekisaanuusiibwa.’

Amateeka Agokubiri 9:8

Ni ku lusozi Sinai mwamuleetera okubasungughalira einho, yaatuuka n'okwenda okubazikiriza.

Abalamuzi 2:19

Aye buli mukulembeze bwe yafanga, abantu bairangayo mu mize gyaibwe egy'eira, baabanga babi n'okusinga badhaadha baibwe. Baagheerezanga emisambwa era baagikubiranga amakiryaivu okugisinza, era baalobanga kulekayo mpisa dhaibwe embi naire endala.