Okuvaayo 32:4 - Baibuli Ekibono kya Katonda 2014

⁴ Aaroni yaadhitoola, yaadhisaanuusa, era yaakozesa akatiba yaabakoleramu ekifaananie eky'ente ento enume. Agho baakoba bati: “Isiraeli, ono ni katonda wo eyakutoola mu Misiri!”

Okuvaayo 32:4 ပူးပေါင်းရင်းမြစ်များ

1 Bakyabazinga 12:28

Kale kyabazinga Yeroboamu oyo yaalowoolereza inho ku kintu ekyo, era yaamala yaakola ebifaananie eby'ente ento bibiri mu zaabu. Agho yaakoba abantu ati: “Mubairenga nga muja e Yerusalemu okumala ekiseera ekireeyi ekimala. Mubone eno, imwe Abaisiraeli, bano ni bakatonda baimwe abaabatoola mu Misiri.”

1 Bakyabazinga 12:32

Era yaataagho ekibinuko, kibengagho mu mwezi ogwomunaana, ku lunaku olweikumi n'eitaanu, nga kye baabanga nakyo mu Buyudaaya. Yaaja ku alutaari e Betheli yaaghaayo emisengo y'ebifaananie eby'ente ento bye yakola, era yaataagho bakabona abaagheerezanga mu masabo ge yazimba.

2 Bakyabazinga 10:20

Agho Yehu yaalagira ati: “Mulangirire olunaku abantu lwe baneesolokezaaku okusinza Baali.” Era baalulangirira.

2 Bakyabazinga 10:29

Aye ate yeena yakola ebibi ng'oti ni Yeroboamu mutabane wa Nebati bwe yakola, ebyaleetera Abaisiraeli okwonoona nga basinza ebifaananie eby'ente ento ebyakolebwa mu zaabu, ebyali e Betheli n'e Dani.

2 Ebyomubyanda 11:15

Yeroboamu oyo yeeteeragho bakabona ababe abaagheerezanga mu bifo ebigulumivu eby'okusinzizaamu, n'abo abaagheerezanga emisambwa n'ebifaananie eby'ente ento.

2 Ebyomubyanda 13:8

“Mpegaano muli kusala amagezi okulwanisa obwakyabazinga bwa Musengwa Katonda, mubutoole ku b'eizaire lya Daudi olw'okuba muli igye inene, era nga muli n'ebifaananie eby'ente ento ebya zaabu, Yeroboamu bye yabakolera bibenga bakatonda baimwe.

Nehemia 9:18

Beekolera ekifaananie eky'ente ento enume mu kyuma ekisaanuusiibwa, baakoba bati: ‘Isiraeli, ono ni katonda wo eyakutoola mu Misiri.’ Era baakola ebintu kamaala ebikunhoomesa.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 20:23

Mutakolanga bakatonda mu feeza ni mubasinziza ghalala ninze, waire okwekolera bakatonda mu zaabu.

Okuvaayo 20:4

“Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

Okuvaayo 28:11

Oidha kughandiika amaina ag'abaana ba Yakobo ku bibaadho ebyo ebibiri eby'eibaale, ng'oti n'omubaadhi ow'amabaale ag'omughendo bw'asala obumanhiso. Bw'omala obiteeku emigo egya zaabu,

Okuvaayo 28:9

Oidha kufunayo ebibaadho bibiri eby'eibaale ery'omughendo eryetebwa onikisi, oghandiikeku amaina ag'abaana ba Yakobo ng'okozesa ekyuma ekisongovu.

Okuvaayo 32:1

Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Okuvaayo 32:24

Zeena naabakoba nti, ‘Kale kiisi avaire zaabu amutooleku amuleete.’ Kale bampa zaabu waibwe, naamusuula mu muliro, era ekyavaamu n'ekifaananie ekyo eky'ente ento enume.”

Okuvaayo 32:3

Kale abantu boonaboona beetoolaku empeta dha zaabu dhe baali nadho ku matu gaibwe, baadhigheereza Aaroni.

Okuvaayo 32:35

Era Musengwa Katonda yasindika ku bantu ekibamba kyabalumya einho, olw'okuba baakoba Aaroni okubakolera ekifaananie eky'ente ento enume.

Okuvaayo 32:5

Aaroni bweyamala, yaakola alutaari agho gha mberi agh'ekifaananie ekyo, era yaakola ekirangiriro ati: “Enkyo twidha kuba ku kibinuko eky'okusinza Musengwa Katonda.”

Okuvaayo 32:7

Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Okuvaayo 32:8

Amangu gano baviire ku biragiro bye nabagha. Baasaanuusiiza zaabu, beekolera ekifaananie eky'ente ento enume era baakisinza, baakigha omusengo nga bakoba mbu, ‘Isiraeli, ono ni katonda wo eyakutoola mu Misiri!’

Isaia 30:22

Olwo mulitoola ebifaananie byaimwe ebibaadhe bye mwalimbyaku feeza, n'ebyo bye mwakola mu zaabu, mwabisuula ere ng'ebintu ebitali birongoofu, nga mukoba muti: “Muje ere, era timwiranga!”

Isaia 46:6

Abantu baja baafukumula mu nsawo dhaibwe zaabu, baapima ni feeza ku minzaani. Olwo baasasula omugheesi era baalagira ebintu ebyo abigheeseemu ekifaananie eky'omusambwa, era baamala baakikubira amakiryaivu baakisinza.

Ezekieli 23:8

Tiyalekayo bwamalaaya bwe, bwe yakola okuviira irala ng'ali e Misiri, ye yabeera n'abasaadha mu buliri ni bamwesanhukizaaku ng'akaali muto, ni bamuleetera okuba nga takaali mwegha.

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Hosea 13:2

Ni ye buli eno bakaaja mu maiso n'okukola ebibi, nga bakola ebifaananie mu kyuma ekisaanuusiibwa. Ebifaananie ebyo babikola n'obukugu mu feeza waibwe nga bigheesebwa bantu buntu. Agho baakoba abantu bati: “Mugheeyo emisengo eri ebifaananie ebyo.” Aye abantu basobola batya okunhwegera ebifaananie ebyo eby'ente ento bye bakola obukole?

Ebikolwa by'Abatume 17:29

Agho ni nga bwe tuli eizaire lya Katonda, titugwaine kudhuuba tuti Katonda afaanana ebintu ebikolebwa mu zaabu, oba mu feeza, oba mu mabaale, mu magezi ni mu kutetenkania kw'abantu.

Ebikolwa by'Abatume 7:41

Agho, mu nnaku edho, baakola ekifaananie eky'ente ento. Baagheereza ekisinzibwa ekyo ekitali Katonda omusengo era baasagambya olw'ekintu ekyo kye baakola obukole.

1 Ab'e Korintho 10:7

Mutasinzanga bitali Katonda ng'abandi ku abo bwe baakola, era nga bwe kyaghandiikibwa kiti: “Abantu baatyama okulya n'okunhwa era baira mu makina amabi.”

Amateeka Agokubiri 9:16

Naja okulinga nti, nga mbona mwamaze ira okukyuka, mwava amangu ago ku ebyo Musengwa Katonda bye yabalagira okujiirangaku. Mwakola ekibi y'ali, mwekolera ekifaananie eky'ente ento enume mu kyuma ekisaanuusiibwa.

Abalamuzi 8:24

Aye yaabakoba ati: “Ka mbasabe kino: kiisi muntu ampe empeta edh'omu matu dhe yanhaga.” Kuba Abamidia baavaalanga empeta dh'omu matu edha zaabu ng'oti n'Abaishimaeli abandi boonaboona.

Abalamuzi 8:27

Gideoni yaakola mu zaabu oyo ekisinzibwa ekitali Katonda, yaakita mu kibuga kye ekiri mu Ofura. Abaisiraeli boonaboona baava ku Katonda, baajangayo okukisinza, kyafuuka omutego eri Gideoni n'ab'omu maka ge.