Okuvaayo 32:33 - Baibuli Ekibono kya Katonda 2014

³³ Aye Musengwa Katonda yaamwiramu ati: “Eriina ly'oyo ansobiiza n'akola ekibi, lye ndidha okusasa mu kitabo kyange.

Okuvaayo 32:33 ပူးပေါင်းရင်းမြစ်များ

Zabbuli 69:28

Amaina gaibwe ka gasasibwe mu kitabo eky'obulamu; gatoolebwe mu lukalala olulimu abatuufu.

Zabbuli 69:29

Aye nze ndi kudaazibwadaazibwa era ndi mu bulumi. Wo Katonda wange mponia, onkuumire ghe batantuukiraku.

Zabbuli 9:5

Abatatya Katonda obasaliire omusango gwabasinga, waazikiriza abakozi b'ebibi. Ghazira aja kubaidhukira naire ebyanda n'ebyanda.

Okuvaayo 17:14

Musengwa Katonda yaakoba Musa ati: “Obughanguzi obwo bughandiike mu kitabo bulobe kwerabirwa. Era okobere Yoshua oti ndidha kuzikiriza Abamaleki mbamaliregho irala.”

Ezekieli 18:20

Kale omuntu akola ebibi n'alifa. Omwana tibalimuvunaana bibi muzaire we bye yakola, waire omuzaire okuvunaanibwa ebibi omwana we bye yakola. Omuntu omutuufu aligheebwa empeera olw'ebituufu by'akola, ate omubi yaavunaanibwa olw'ebibi by'akola.

Ezekieli 18:4

Bona eno, nze ninze nfuga obulamu obwa buli muntu, ka bube obw'omuzaire oba obw'omwana. Kale omuntu akola ebibi n'alifa.

Abalevi 23:30

era kiisi anaakolanga omulimo ku olwo, Musengwa Katonda anaamutoolanga mu bantu be yaamuzikiriza.

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.

Ab'e Filippi 4:3

Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.

Okwolekebwa 3:5

Oyo aghangula, alivaazibwa ebivaalo ebyeru, era tirisasa liina lye mu kitabo kya bulamu, aye ndiryatula mu maiso ga Lata, n'aga bamalaika be.