Okuvaayo 32:31 - Baibuli Ekibono kya Katonda 2014

³¹ Kale Musa yairayo ye Musengwa Katonda, yaamukoba ati: “Wo Musengwa Katonda, abantu bo bakoze ekibi ekikologho, beekolera bakatonda mu zaabu!

Okuvaayo 32:31 ပူးပေါင်းရင်းမြစ်များ

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Nehemia 9:18

Beekolera ekifaananie eky'ente ento enume mu kyuma ekisaanuusiibwa, baakoba bati: ‘Isiraeli, ono ni katonda wo eyakutoola mu Misiri.’ Era baakola ebintu kamaala ebikunhoomesa.

Nehemia 9:33

Aye ate, mu byonabyona ebyatutuukaku, iwe wali mutuufu okutubonereza, kuba iwe wasigala ng'oli mwesigwa, aye ife twayonoona bwonoone.

Okuvaayo 20:23

Mutakolanga bakatonda mu feeza ni mubasinziza ghalala ninze, waire okwekolera bakatonda mu zaabu.

Okuvaayo 20:4

“Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

Okuvaayo 32:30

Enkyo lyaku Musa yaakoba abantu ati: “Mukoze ekibi ekikologho! Aye leka nniine ye Musengwa Katonda ku lusozi oba katyo nnaamwikirizisa okukibasonigha.”

Okuvaayo 34:28

Kale Musa yaaghandiika ebibono eby'endagaano, amateeka eikumi, ku bibaadho eby'amabaale. Yaaba eyo ni Musengwa Katonda okumala enaku amakumi ana omusana n'obwire, era nga talya mere waire okunhwa amaadhi.

Danieli 9:11

Abaisiraeli boonaboona baamenha amateeka go era baakyuka baakuvaaku, baaloba kugondera by'okoba. Olw'okuba twakola ebibi y'oli, kye wava n'otutuusaaku ebikolimo bye weerayirira okutusindikira, ebyaghandiikibwa mu mateeka ga Musa omugheereza wo.

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Danieli 9:8

Wo Musengwa, ife twenatwena ng'otwaliizaamu, bakyabazinga baife, n'abakulembeze baife, ni badhaadha baife, twakola ebibi y'oli byatuleetera okuswala.