Okuvaayo 32:25 - Baibuli Ekibono kya Katonda 2014

²⁵ Musa yaabona ng'abantu bafuuse ng'oti n'ensolo edhikutwire, engeri Aaroni bweyabaleka ni beebisa eyo batyo mu nsambo ebaswaza mu maiso ag'abazigu baibwe.

Okuvaayo 32:25 ပူးပေါင်းရင်းမြစ်များ

Amainhama 3:10

Yaamwiramu ati: “Nkuwuliire ng'oli mu nimiro, naatya, kuba mbaire madu kye nviire ni neegisa.”

1 Bakyabazinga 12:28

Kale kyabazinga Yeroboamu oyo yaalowoolereza inho ku kintu ekyo, era yaamala yaakola ebifaananie eby'ente ento bibiri mu zaabu. Agho yaakoba abantu ati: “Mubairenga nga muja e Yerusalemu okumala ekiseera ekireeyi ekimala. Mubone eno, imwe Abaisiraeli, bano ni bakatonda baimwe abaabatoola mu Misiri.”

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

2 Ebyomubyanda 28:19

Ebyo byaligho, kuba kyabazinga Ahazi oyo yakola eidhoogo mu Buyudaaya era yaaloba kuba mwesigwa eri Musengwa Katonda, yaaleetera Musengwa Katonda okusindika ebizibu ku Buyudaaya.

Okuvaayo 32:26

Agho yaayemerera gha mulyango ogwingira mu kifo ghe baasimba weema dhaibwe, yaalangirira ati: “Kiisi ali ku luuyi lwa Musengwa Katonda, aidhe ghano ghe ndi.” Era Abalevi boonaboona beesololeza ghalala agho ghe yali.

Ensambo 29:18

Bwe ghabula okugalaga okuva ye Katonda abantu bataamuuka eyo batyo, aye wa nkabi oyo ajiira ku mateeka ga Katonda.

Isaia 47:3

Abantu balikubona ng'oli madu, nga bakuswaziiza n'ensoni dhaakugema. Nja kwesasuuza era ezira muntu ye ndisaasira naire.”

Yeremia 5:5

Ndidha kuja y'abakulembeze ndhogere nabo; kuba abo baidhi Musengwa Katonda by'ayenda, era baidhi amateeka ga Katonda waibwe oyo.” Aye boonaboona aghalala baadheemera Musengwa Katonda, baaloba kuwulira mateeka ge.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Hosea 2:3

Bw'ataalekere ndidha kumwambulamu ebivaalo asigale madu ng'oti ni bwe yali ku lunaku lwe baamuzaaliraku. Ndidha kumufuula ng'oti irungu, abe ng'oti itaka ikalu ery'olubbalangu, era mmuleetere okufa endiwo.

Mika 1:11

Imwe abantu ab'e Shafira mwidha kutwalibwa mu bunhage nga muli madu era nga muswaire. Imwe ababa mu kibuga Zaanaani mutageza ni muva mu kibuga kyaimwe. Bwe munaawulira okulira okuva e Bethezeli munaamanha ng'eyo bw'ezira gha kwewogoma.

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.

Amateeka Agokubiri 9:20

Era Musengwa Katonda yaasungughalira ni Aaroni, yaayenda na ku mwita. Kale nze naasabira ni Aaroni mu kiseera ekyo.

Okwolekebwa 16:15

“Bona, ndidha kwidha ng'omwibi! Wa nkabi oyo asigala ng'ali kumoga, n'akuuma ebivaalo bye, alobe kutambula madu, na kuswala mu bantu.”