Okuvaayo 32:19 - Baibuli Ekibono kya Katonda 2014

¹⁹ Agho Musa bweyaseeta okumpi n'Abaisiraeli ghe baasimba weema dhaibwe, yaabona ekifaananie eky'ente ento enume, n'abantu nga bali kukina. Agho obusungu obw'amaani bwamusituka, yaasuula ebibaadho eby'amabaale bye yali agemye mu ngalo, byamenheka nga yaakatuuka agho olusozi ghe luweeraku.

Okuvaayo 32:19 ပူးပေါင်းရင်းမြစ်များ

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

Zabbuli 119:53

Bwembona abakozi b'ebibi nga tibali kujiira ku mateeka go, obusungu bungema bungi.

Okuvaayo 15:20

Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Okuvaayo 32:18

Aye Musa yaamwiramu ati: “Busa, okwo ti kwasiikana lwa kughangula oba kulira kwa kughangulwa. Aye mamiro ga bantu bali kwemba nze ge ndi kuwulira.”

Okuvaayo 34:1

Agho Musengwa Katonda yaakoba Musa ati: “Baadha ebibaadho bibiri eby'amabaale ebiri ng'ebyasooka, ndidha kughandiikaku ebibono ebyali ku bire ebyasooka bye wamenha.

Yeremia 31:32

Teriba ng'oti n'ere ye nakola ni badhaadha baibwe, lwe nabagema ku mukono ni mbatoola e Misiri kuba waire nga nze nali Musengwa Katonda waibwe, aye era tibaakuuma ndagaano eyo

Okulira 5:15

Eisanhu mu myoyo gyaife lyawaamu, n'agaali amakina gaafuuka kulira na kwekuba bigwo.

Zekaria 11:14

Naatoola omwigo ogwokubiri gwe natuuma eriina “Kweyimba”, naagumenhamu okusazaamu okweyimba kwa Buyudaaya ni Isiraeli.

Okubala 12:3

Musa yali muntu muwombeefu inho, okusinga abantu boonaboona ab'oku nsi.

Matayo 5:22

Aye nze mbakoba nti, buli muntu alikoba muganda we ati, ‘Raka,’ alisalirwa omusango mu mbuga ate oyo alikoba ati, ‘Musiru iwe’, alisalirwa omusango gwa kusuulibwa mu muliro gwa geyeena.”

Mariko 10:14

Yesu olwakibona, yaasungughala, yaabakoba ati: “Muleke abaana abato baidhe ye ndi, mutabalobera kuba abali ng'abo n'ababa mu Bwakyabazinga bwa Katonda.

Mariko 3:5

Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

1 Ab'e Korintho 10:7

Mutasinzanga bitali Katonda ng'abandi ku abo bwe baakola, era nga bwe kyaghandiikibwa kiti: “Abantu baatyama okulya n'okunhwa era baira mu makina amabi.”

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,

Amateeka Agokubiri 10:2

Ndidha kughandiika ku bibaadho ebyo ebibono ebyali ku bibaadho bire ebyasooka, bye wamenha, olwo obite mu sanduuku eyo.’

Amateeka Agokubiri 27:26

“ ‘Omuntu yeenayeena ataatuukirizenga mateeka gano, akolimirwenga!’ “Olwo abantu boonaboona baliiramu bati, ‘Amiina.’ ”