Okuvaayo 32:15 - Baibuli Ekibono kya Katonda 2014

¹⁵ Agho Musa yaakyusa yaaserengeta ng'ava ku lusozi, yaika n'ebibaadho ebibiri eby'amabaale ng'abigemye mu ngalo dhe. Ebibaadho ebyo byali nga bighandiikiibwaku amateeka ku ndhuyi dhaabyo dhombi.

Okuvaayo 32:15 ပူးပေါင်းရင်းမြစ်များ

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Okuvaayo 16:34

Kale nga Musengwa Katonda bweyalagira Musa, Aaroni bweyakola, yaatoola ekidoome yaakita aghali Sanduuku ey'Endagaano, kiterekebwe.

Okuvaayo 24:12

Musengwa Katonda yaakoba Musa ati: “Niina olusozi oidhe ye ndi. Bw'otuuka nteegerera, ndidha kukugha ebibaadho eby'amabaale agaliku amateeka n'ebiragiro bye naghandiikira abantu olw'okubagalagira.”

Okuvaayo 24:18

Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 32:16

Katonda mwene n'eyabikola era n'eyabighandiikamu amateeka.

Okuvaayo 34:29

Agho Musa yaaniinuka okuva ku lusozi Sinai, ng'ali n'ebibaadho ebibiri eby'amabaale ebiriku amateeka. Oluwutu olw'omu maiso ge lwali luli kumesunkana olw'okwogera ni Katonda, aye mwene yali taidhi.

Okuvaayo 40:20

Yaatoola ebibaadho eby'amabaale ebyaliku amateeka yaabita mu Sanduuku ey'Endagaano. Esanduuku eyo yaagitaaku emiti egy'okugibbeedesa n'ekisandikiza.

2 Ab'e Korintho 3:3

Kyeyoleka nga muli oti mbaluwa eva ye Kurisito, ife ye twaleeta, etaaghandiikibwa na bwino aye eyaghandiikibwa ni Mwoyo wa Katonda omulamu. Era etaaghandiikibwa ku bipande bya mabaale, aye eyaghandiikibwa ku bipande eby'emyoyo gy'abantu.

2 Ab'e Korintho 3:7

Amateeka amaghandiike gaabaadhibwa mu nukuta ku bipande eby'amabaale, era bwe gaali gagheebwa ghaaligho okumesunkana kunene. Amaiso ga Musa gaaliku okumesunkana okwo, era waire kwali nga kuli kukendeera, Abaisiraeli baali nga tibasobola kumwekalirisa mu maiso. Kale oba nga Amateeka agaleeta okufa gaagheebwa mu kumesunkana okwaga agho,

Amateeka Agokubiri 5:22

“Ago n'amateeka Musengwa Katonda ge yabagha mwenamwena nga mwesoloiza ku lusozi. Yagabagha ng'ayogera mu mamiro ag'amaani, ng'ali mu muliro ghagati mu kire ekigemye enzikiiza, era tiyayongeraku bindi. Yagaghandiika ku bibaadho bibiri eby'amabaale, yaabimpa.”

Amateeka Agokubiri 9:15

“Agho naakyuka naaserengeta okuva ku lusozi nga ngemye ebibaadho ebibiri eby'amabaale okwaghandiikibwa endagaano. Olusozi lwali luli kwaka omuliro.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Okwolekebwa 5:1

Naabona enzingo y'ekitabo mu mukono omusaadha ogw'oyo atyaime ku kityamo eky'obwakyabazinga, ng'eghandiikiibwa munda ni ku ngulu era ng'esibiibwaku n'obumanhiso musanvu.