Okuvaayo 32:13 - Baibuli Ekibono kya Katonda 2014

¹³ Idhukira abagheereza bo, Aburahamu, ni Isaaka, ni Yakobo, be weelayirira iwe mwene. Wabakoba oti oidha kubazaalagania babe n'abaidhukulu kamaala ng'oti ni muunienie edhiri ku igulu. Era waabasuubiza oti ensi ye wabagha eja kuba yaibwe n'abaana baibwe n'abaidhukulu, ebyanda n'ebyanda.”

Okuvaayo 32:13 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 15:7

Yaamukoba ati: “Ninze Musengwa eyakutoola mu Uri ensi ey'Abakaladea, naakuleeta okukugha ensi eno.”

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 22:16

yaakoba ati: “Musengwa Katonda akoba ati ndayiire mu liina lyange nti, kuba okoze otyo n'oloba kuunhima mwana wo omulala ati bedengedenge,

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 24:7

Musengwa Katonda ow'eigulu yantoola mu ndhu ya lata, ni mu nsi ye nazaalibwamu, era yaayogera ninze, yandayirira ati aligha baidhukulu bange ensi eno. Oyo alituma malaika we yaakukulemberamu, osobole okufunira omwana wange omukazi okuva eyo.

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

Okuvaayo 13:11

“Musengwa Katonda bw'alibatuusa mu nsi ey'Abakanaani nga bweyalayirira imwe ni badhaadha baimwe, n'agibagha,

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 33:1

Agho Musengwa Katonda yaakoba Musa ati: “Muve ghano, iwe n'abantu be watoola mu Misiri, muje mu nsi ye nalayira okugha Aburahamu, ni Isaaka, ni Yakobo, n'abaana baibwe, n'abaidhukulu.

Abalevi 26:42

olwo ndituukiriza endagaano ye nakola ni Yakobo, ni Isaaka era ni Aburahamu, era tija kwerabira nsi ye nabasuubiza.

Amateeka Agokubiri 1:10

Musengwa Katonda waimwe abafiire bangi, era mpegaano muli bangi ng'oti n'emuunienie edh'oku igulu.

Amateeka Agokubiri 7:8

Aye olw'okuba Musengwa Katonda yabagonza, era yaayenda okukuuma ekisuubizo, kye yasuubiza badhaadha baimwe, kyeyava n'akozesa amaani ge agataloodheka okubanunula. Yaabatoola mu ngalo dha kyabazinga ow'e Misiri, ye mwakolanga obwiru.

Amateeka Agokubiri 9:27

Idhukira abagheereza bo, Aburahamu, Isaaka, ni Yakobo. Otalingirira mpwitu ya bantu bano, waire ebibi byaibwe, oba waire okwonoona kwaibwe.

Abaheburayi 6:13

Katonda bwe yasuubiza Aburahamu, yeerayirira mwene ebyo bye yali asuubiza, kuba ghaali ghaziragho amusinga bubbede y'asobola kulayirira.