Okuvaayo 32:11 - Baibuli Ekibono kya Katonda 2014

¹¹ Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Okuvaayo 32:11 ပူးပေါင်းရင်းမြစ်များ

Amainhama 18:27

Aburahamu yaayogera kabiri ati: “Wo Musengwa, nsonigha okukana ni ndhogera n'iwe ntyo, ate nga nze ndi nkungu bukungu era eivu obuvu.

1 Bakyabazinga 8:51

kuba abo n'abantu bo ababo ku bubwo, be watoola mu nsi Misiri, ye baali ng'oti n'abali mu muliro ogw'amaani ogusaanuusa ekyuma ekigumu einho.

Nehemia 1:10

“Wo Musengwa Katonda, abo n'abantu bo abakugheereza be wanunula n'obuyinza bwo obungi era n'amaani go agataloodheka.

Zabbuli 106:23

Kyeyava n'akoba ati aja kubazikiriza, okutuusa Musa omulonde we, bweyayemereragho mu maiso ge, n'abawolerezaayo, era n'aikaikania obusungu bwa Katonda eyali aja okubazikiriza.

Okuvaayo 32:7

Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Okuvaayo 8:8

Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Isaia 63:17

Wo Musengwa Katonda, lwaki otuleka okudaaliima ni tuva ku ngira y'otwoleka? Lwaki oleetera emyoyo gyaife okukalanguka ni tutakutya? Ganha oire ye tuli, ku lw'abantu bo abagheereza bo, abantu ababo ku bubwo ab'omu bika bya Isiraeli.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Okulira 2:20

Wo Musengwa Katonda, tulingirire obone bwe tudaaga. Naani ye waali obisiisaaku oti? Kibangaghooku abakazi okulya abaana abaibwe beene, be baakuza obukalamu nga babagonza? Kibangaghooku bakabona n'abalanzi okwitirwa mu kifo kya Musengwa ekitukuvu?

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Danieli 9:15

“Wo Musengwa Katonda waife, iwe watoola abantu bo mu nsi Misiri n'amaani go agataloodheka, era ni ye buli eno amaani go ago abantu bakaagaidhukira. Aye ife twayonoona y'oli twakola ebibi.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Okubala 11:11

Musa yaakoba Musengwa Katonda ati: “Wo Musengwa Katonda, lwaki ombisiisa obubi otyo nze omugheereza wo? Lwaki onsungughaliire, n'ontwika obuvunaanizibwa obw'abantu abo boonaboona?

Okubala 14:13

Aye Musa yaakoba Musengwa Katonda ati: “Wo Musengwa Katonda, iwe watoola abantu bano ku Bamisiri ng'okozesa obuyinza bwo. Mperaano Abamisiri bwe baliwulira ng'okoze otyo,

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

Okubala 21:7

Agho abantu baaja ye Musa baamukoba bati: “Twayonoona okwemuluguunhiza Musengwa n'iwe. Tusabire Musengwa atutooleku emisota gino.” Kale Musa yaabasabira.

Okubala 27:4

Kale lwaki eriina lya lata waife lisaanagho mu kika kye olw'okubulwa obubulwe omwana omulenzi? Mutughe twena omugabo ogw'eitaka ogwaife ku bwaife mu boluganda lwa lata waife.”

1 Samueli 15:11

“Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.