Okuvaayo 32:1 - Baibuli Ekibono kya Katonda 2014

¹ Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Okuvaayo 32:1 ပူးပေါင်းရင်းမြစ်များ

Amainhama 19:14

Agho Loti yaafuluma, yaakoba abasaadha abaali ab'okubayiza baghala be ati: “Musitukiremu, muve mu kifo kino, kuba Musengwa Katonda ali kumpi okuzikiriza ekibuga.” Aye bale baadhuuba bati ali kudhondha budhondhe.

Amainhama 21:26

Abimeleki yaakoba ati: “Tiidhi muntu yakola kintu ekyo. Iwe tiwankoberaku ku kintu ekyo, era guno n'omukuzi gwange ogusooka okukiwulira.”

Amainhama 39:8

Aye Yosefu yaaloba, yaakoba muka musengwa we ati: “Bona, musengwa wange takeeraliikirira kintu kyonakyona mu ndhu, kuba nze ndigho, era yandekera ebibye byonabyona okubirabirira.

Amainhama 44:15

Yosefu yaababuuza ati: “Kiki kino kye mukoze? Timwidhi muti omuntu ali mu kifo ng'oti n'ekyange aghanga okuzuula ebyama by'abantu ng'alagula?”

Amainhama 44:4

Bwe baali baakatambulaku katono okuva mu kibuga, Yosefu yaakoba omugheereza we ati: “Situka obingirire abasaadha abo. Bw'onaabatuukaku, obakobe oti, ‘Lwaki ebirungi bye tubakoleire mubisaswiremu ebibi? Lwaki mwibye ekikopo kya musengwa wange ekya feeza?

Zabbuli 106:19

Ate olundi Abaisiraeli baakola ekifaananie eky'ente ento nga bali ku lusozi Horebu, era baasinza ekifaananie ekyo ekyakolebwa mu kyuma ekisaanuusiibwa.

Okuvaayo 13:21

Musengwa Katonda yaabayambanga basobole okutambula omusana n'obwire: omusana yabakulemberangamu ng'ali mu kire ekiri ng'oti mpango okubooleka engira ye babe babitemu, ate obwire yaabanga mu muliro oguli ng'oti mpango okubamuliikirira.

Okuvaayo 14:11

Beemuluguunhiza Musa nga bakoba bati: “Lwa kuba mu Misiri yali ezira magombe ganditumaze kutuziikamu, kye wava n'otutoolayo twidhe tufiire eno mu irungu? Watukola ki kino okututoola mu Misiri?

Okuvaayo 16:3

“Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Okuvaayo 20:23

Mutakolanga bakatonda mu feeza ni mubasinziza ghalala ninze, waire okwekolera bakatonda mu zaabu.

Okuvaayo 24:12

Musengwa Katonda yaakoba Musa ati: “Niina olusozi oidhe ye ndi. Bw'otuuka nteegerera, ndidha kukugha ebibaadho eby'amabaale agaliku amateeka n'ebiragiro bye naghandiikira abantu olw'okubagalagira.”

Okuvaayo 24:18

Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Okuvaayo 32:22

Aaroni yaamwiramu ati: “Musengwa Katonda wange, otansungughalira bujiiririire, kuba oidhi bukalamu ng'abantu bano bwe benda einho okwonoona.

Okuvaayo 32:23

Kale beene n'abaakoba bati, ‘Tukolere bakatonda abanaatukulemberamu. Ono omusaadha Musa eyatutoola mu Misiri, titwidhi kyamutuukaku.’

Okuvaayo 32:7

Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Okuvaayo 33:3

Muje mu nsi engimu era erimu ebirungi kamaala. Aye nze tiidha kujiira ghalala n'imwe, kuba nsobola okubaita naabamaliragho mu ngira, olw'okuba muli ba mpwitu inho.”

Ezekieli 20:8

Aye bandheemera, baaloba kuwulirisa bye nabakoba. Baaloba kusuula ere ebyenhinhalwa ebyabasikirizanga, waire okuva ku bisinzibwa ebitali nze Katonda eby'omu Misiri. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Hosea 12:13

Musengwa Katonda yatuma omulanzi, yaaja yaatoola Abaisiraeli mu nsi Misiri era yaabalabirira.

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Okubala 14:22

ghazira ku bantu abo alituuka mu nsi eyo. Abantu abo baabona ekitiisa kyange n'obumanhiso bye nakolera mu Misiri ni mu irungu, aye era bansonsoonia emikuzi gino eikumi, baaloba kuwulira bye mbakoba.

Matayo 24:43

Mutegeere ni kino: Nguli mwenemu amanha bwire ki omwibi bw'anaatuukiramu, nguli akuuma yaaloba kuganha ndhu ye kusimibwa.

Matayo 24:48

Aye omugheereza bw'aba mubi n'akoba mule mu mwoyo gwe ati Musengwa we taidha kwira mangu,

Ebikolwa by'Abatume 17:29

Agho ni nga bwe tuli eizaire lya Katonda, titugwaine kudhuuba tuti Katonda afaanana ebintu ebikolebwa mu zaabu, oba mu feeza, oba mu mabaale, mu magezi ni mu kutetenkania kw'abantu.

Ebikolwa by'Abatume 19:26

Aye mubona era muwulira Paulo ono bw'aikiriziisa era bw'akyusiisa abantu kamaala, ti mu Efeso mwonka aye kumpi Asia yoonayoona ng'akoba ati ebintu ebyetebwa bakatonda ebikolebwa abantu obuntu, ti Katonda.

Ebikolwa by'Abatume 7:40

Baakoba Aaroni bati, ‘Tukolereyo bakatonda abanaatukulemberangamu, kuba Musa oyo eyatutoola mu Misiri titwidhi bw'abaire.’

Amateeka Agokubiri 31:8

Era Musengwa Katonda mwene n'aidha okukukulemberamu era abenga n'iwe. Talikuvaaku waire okukulekulira agho. Otatya era otawaamu maani.”

Amateeka Agokubiri 9:1

“Imwe Abaisiraeli muwulire: Olwaleero muja kusomoka omwiga Yorudani, mwingire mutwale ensi ey'amaghanga agasinga eryaimwe obukologho n'amaani. Ebibuga byago bikologho, era byezungulwirwa ebimante ebigumu ebituuka ku igulu.

Amateeka Agokubiri 9:9

Nze naniina olusozi okugheebwa ebibaadho eby'amabaale ebyaghandiikibwaku endagaano Musengwa Katonda ye yakola n'imwe. Naasigalayo okumala enaku amakumi ana, omusana n'obwire, nga tirya mere waire okunhwa amaadhi.

Yoshua 7:13

Situkiramu okobe abantu beetukuze era beetegeke okwidha ye ndi. Bakobe enkyo babe nga beetegeike, kuba nze Musengwa Katonda wa Isiraeli ndi kuja okubakoba nti, ‘Imwe Abaisiraeli, ghaligho ebintu bye muli nabyo bye nabalagira okuzikiriza. Buti timusobola kulwanisa muzigu abalumbye okutuusa nga mwetoiremu ebintu ebyo.’

2 Petero 3:4

nga bakoba bati: “Eyabasuubiza okwira ali gha? Kasookanga badhaadha bafa ebintu byonabyona bikaali nga bwe byali ku kutondebwa kw'ensi!”