Okuvaayo 31:3 - Baibuli Ekibono kya Katonda 2014

³ Naamugha ku maani gange, naamugha obusobozi, n'amagezi, n'obumanhi, era naamugha okutetenkania n'okuyiiya.

Okuvaayo 31:3 ပူးပေါင်းရင်းမြစ်များ

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

1 Bakyabazinga 7:13

Agho kyabazinga Solomoni yaatuma bamuleetere Hiramu okuva e Tiro.

1 Bakyabazinga 7:14

Hiramu oyo yali musaadha mugezi, ng'ali n'obumanhi mu kutetenkania n'okukola emirimo gyonagyona egy'okugheesa ebintu mu kyuma eky'ekikomo. Yali mutabane wa namwandu ow'omu kika kya Nafutali. Ise yali mutyamye ow'e Tiro, era nga mugheesi wa bintu eby'ekyuma eky'ekikomo. Hiramu oyo, yaidha eri kyabazinga Solomoni, yaamukolera emirimo gye gyonagyona.

2 Ebyomubyanda 2:7

Kale ni mpeereza omuntu omukugu mu kugheesa ebintu ebya zaabu, n'ebya feeza, n'eby'ekikomo, n'eby'ekyuma ekigumu einho, n'okukola engoye edha langi ya bbululu, n'edh'eya nakasooma, n'edh'eya kasaayisaayi. Era nga mukugu mu kubaadha amabaale, asobole okukoleranga ghalala n'abakozi bange abakugu ghano mu Buyudaaya ni mu Yerusalemu, lata wange be yataagho.

Okuvaayo 28:3

Oidha kwogera n'abantu abasobola okukola ekyo, abantu be nagha amagezi n'obumanhi, bamukolere ebivaalo ayawulibwe ankolere omulimo ogw'obwakabona.

Okuvaayo 31:4

Nhenda ayiiye ng'akozesa amagezi amangi einho, ng'akola ebintu ebitali bya nsambo ndala, mu zaabu, mu feeza, ni mu byuma eby'ekikomo.

Okuvaayo 35:31

Katonda yaatoola ku maani ge ye mwene yaagamugha, era yaamugha obusobozi, n'amagezi, n'obumanhi, era yaamugha okutetenkania n'okuyiiya.

Okuvaayo 35:35

Musengwa Katonda yaabaidhuza amagezi, nga basobola okukola kiisi mulimo gwonagwona: ka gube ogw'omubaadhi ow'amabaale ag'omughendo, oba ogw'omuyiiya, oba ogw'omulusi ow'engoye, oba ogw'adholiga engoye ng'akozesa n'empiso n'ewuuzi ka dhibe dha bbululu, oba dha nakasooma, oba dha ngoye mpegheevu. Era baasobola okukola kiisi mulimo ogwetaagisa okutetenkania.

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Isaia 28:26

Omulimi oyo amanha okukola omulimo gwe obukalamu, kuba Katonda we amwegeresa.

Isaia 28:6

Aligha abalamuzi omwoyo ogw'okukolanga amazima, era yaagha abaisirukale amaani okukuumanga emiryango gy'ekibuga, okukiwonia okulumbwa abazigu.